சமந்தா இடத்தைப் பிடித்த நயன்தாரா… !

நடிகை நயன்தாரா, சமந்தாவின் இடத்தைப் பிடித்துள்ளதில் ரசிகர்கள் அதிர்ச்சி அடைந்துள்ளனர்.

நடிகர்கள் ஷாருக்கான், நயன்தாரா நடிப்பில் வெளியாகவுள்ள ‘ஜவான்’ படத்தின் இசை வெளியீட்டு விழா சமீபத்தில் சென்னையில் நடந்தது. இதில் ஷாருக்கான், விஜய்சேதுபதி, அட்லி, விஜய்சேதுபதி ஆகியோர் கலந்து கொண்டர்.

இந்நிகழ்ச்சியில் இயக்குநர் அட்லி பேசும்போது, ‘படத்தில் ஹீரோயின் தேர்வு என வந்த போது, முதலில் டார்லிங் நயன்தாரா தான் நினைவுக்கு வந்தார்’ என சொல்லி இருந்தார். ஆனால், நயன்தாராவுக்கு முன்பே சமந்தாவை அட்லி கதாநாயகியாக நடிக்க வைக்க அணுகியதாக தற்போது தகவல் வெளியாகியுள்ளது.

இந்த வாய்ப்பு 2019ம் வருடத்திலேயே சமந்தாவுக்கு கொடுக்கப்பட்டிருக்கிறது. ஆனால், அப்போது குடும்ப வாழ்க்கையில் ஏற்பட்ட சில பிரச்சினைகள் காரணமாக ’ஜவான்’ வாய்ப்பை சமந்தா மறுத்ததாக சொல்லப்படுகிறது. அட்லி இயக்கத்தில் சமந்தா ‘தெறி’, ‘மெர்சல்’ படத்தில் நடித்திருந்தார் என்பது குறிப்பிடத்தக்கது.