வங்கதேச அணி இந்தியாவில் சுற்றுப் பயணம் செய்து விளையாடி வருகிறது. இரு அணிகள் இடையே 2 ஆட்டங்கள் கொண்ட டெஸ்ட் கிரிக்கெட் தொடரில் சென்னை சேப்பாக்கத்தில் நடைபெற்ற முதல் போட்டியில் இந்திய அணி 280 ரன்கள் வித்தியாசத்தில் வெற்றி பெற்றது. இதன் மூலம் டெஸ்ட் தொடரில் இந்திய அணி 1-0 என முன்னிலை வகிக்கிறது. இதன் கடைசி மற்றும் 2-வது டெஸ்ட் கிரிக்கெட் போட்டி கான்பூரில் உள்ள கிரீன் பார்க் மைதானத்தில் நேற்று முன்தினம் (செப்.27) தொடங்கியது. இதில் டாஸ் வென்ற இந்திய அணி பந்துவீச்சை தேர்வு செய்தது.
முதலில் களமிறங்கிய வங்கதேசம் 35 ஓவர்கள் முடிவில் 3 விக்கெட் இழப்புக்கு 107 ரன்களைச் சேர்த்தது. இதையடுத்து மழை குறுக்கிட்டதால் ஆட்டம் நிறுத்தப்பட்டது.
பின்னர் இரண்டாம் மற்றும் 3-வது நாள் ஆட்டமும் மழையால் ரத்து செய்யப்பட்டுள்ளது. ஆடுகளத்தை ஆய்வுசெய்த நடுவர்கள், ஈரப்பதம் காரணமாக, 3-வது நாள் ஆட்டமும் கைவிடப்படுவதாக அறிவிக்கப்பட்டுள்ளது
+ There are no comments
Add yours