வேன் மீது லாரி மோதி கோர விபத்து.!

திருப்பத்தூர் மாவட்டம் ஆம்பூரை அடுத்த ஓனங்குட்டை பகுதியில் இருந்து சுமார் 15க்கும் மேற்பட்டோர் வேனில் சுற்றுலாவுக்கு புறப்பட்டுள்ளனர். அப்போது வேன் சண்டியூர் அருகே சாலை வழியில் பஞ்சராகி நின்றுள்ளது. உடனே சாலையில் நிறுத்தி ஓட்டுநர் பஞ்சர் பார்த்துள்ளார்.

இதனால் , வேனில் பயணித்தவர்கள் வேனுக்கு அருகே அமர்ந்து ஓய்வெடுத்துள்ளனர். அந்த நேரத்தில் அவ்வழியாக வந்த லாரி ஒன்ற வந்த வேகத்தில் வேன் மீது மோதியது. இந்த கோர விபத்தில் சம்பவ இடத்திலேயே 7 பெண்கள் பரிதாபமாக உயிரிழந்தனர்.

லாரி ஒன்று வேன் மீது மோத வருவது தெரிந்தவுடன் சிலர் அங்கிருந்து ஓடியுள்ளனர். இருந்தும் கண் இமைக்கும் நேரத்தில் நடந்த இந்த விபத்தில் 10க்கும் மேற்பட்டோர் படுகாயங்களுடன் அரசு மருத்துவமனையில் சேர்க்கப்பட்டுள்ளார்.

விபத்து குறித்து காவல்துறையினர் சம்பவ இடத்திற்கு விரைந்தனர். சம்பவம் குறித்து வழக்கு பதிவு விசாரணை நடத்தி வருகின்றனர். காயமடைந்தவர்கள் திருப்பத்தூர் அரசு மருத்துவமனையில் சிகிச்சைக்காக அனுமதிக்கப்பட்டுள்ளனர்.