வெற்றியை கொண்டாடிய ஜெயிலர் படக்குழு !

ரசிகர்களின் அமோக ஆதரவுடன் பட்டி தொட்டி எங்கும் பட்டைய கிளப்பி வரும் ஜெயிலர் படத்தின் பிளாக் பஸ்டர் வெற்றியை படக்குழு கேக் வெட்டி கோலாகலமாக கொண்டாடி உள்ளது.

சூப்பர்ஸ்டார் ரஜினிகாந்தின் மாஸான நடிப்பில் நெல்சனின் துல்லியமான இயக்கத்தில் உருவான ஜெயிலர் படம் கடந்த 10 ஆம் தேதி திரையரங்குகளில் வெளியாகி தற்போது வசூல் மழை பொழிந்து வருகிறது .

அனிருத்தின் இசையமைப்பில் உருவானா இப்படத்தில் நாயகி தமன்னா, மோகன் லால், ரம்யா கிருஷ்ணன், யோகி பாபு ,வசந்த் ரவி , ரெடின் உள்ளிட்ட பல முன்னணி நட்சத்திரங்கள் தங்களது நடிப்பை கட்சிதமாக வெளிப்படுத்தியுள்ளனர் .

சன் பிக்ச்சர்ஸ் நிறுவனத்தின் பிரம்மாண்ட தயாரிப்பில் ரஜினிகாந்த் , மோகன் லால் , சிவராஜ்குமார் உள்ளிட்ட மாஸ் ஹீரோக்கள் இப்படத்தில் என்ட்ரி கொடுக்க ஜெயிலர் படத்தின் மீதான எதிர்ப்பார்ப்பு எங்கயோ சென்றுவிட்டது .

ரசிகர்கள் எதிர்பார்த்தபடியே உலகம் முழுவதும் உள்ள திரையரங்குகளில் ஜெயிலர் படம் வெற்றி நடைபோட தற்போது வசூல் ரீதியாகவும், விமர்சன ரீதியாகவும் மாபெரும் வெற்றி படமாக உருவெடுத்துள்ளது.

இந்நிலையில், இப்படம் வெளிவந்து 15 நாட்கள் ஆகியுள்ள நிலையில் இதுவரை உலகளவில் செய்துள்ள வசூல் குறித்த தகவல் வெளியாகியுள்ளது. அதன்படி, இப்படம் உலகளவில் ரூ. 550 கோடிக்கும் மேல் வசூல் செய்துள்ளது. மேலும் இந்த வார இறுதிக்குள் ஜெயிலர் படத்தின் வசூல் கண்டிப்பாக 600 கோடியை தாண்டும் என திரை வட்டாரங்கள் தகவல் தெரிவிக்கின்றனர் .

இப்படத்தில் பணியாற்றிய அனைவருக்கும் மாபெரும் வெற்றியை தேடி தந்திருக்கும் ஜெயிலர் படத்தி கொண்டாடும் விதமாக சூப்பர் ஸ்டார் ரஜினிகாந்த், இயக்குனர் நெல்சன், இசையமைப்பாளர் அனிருத் , நடிகை ரம்யாகிருஷ்ணன உள்ளிட்ட படத்தில் பணியாற்றிய முக்கிய நடிகர்கள் மற்றும் தொழில் நுட்பட கலைஞர்கள் இணைந்து, வெற்றியை கொண்டாடியுள்ளனர் .

சென்னையில் உள்ள பிரபல ஓட்டல் ஒன்றில், ஒன்றிணைந்த படக்குழு சூப்பர் ஸ்டார் ரஜினிகாந்த் தலைமையில் கேக் வெட்டி தங்கள் மகிழச்சியை பகிர்ந்து கொண்டனர்.