22 காரட் தங்கம் விலை உயர்வா? கவலையை விடுங்க.. வந்தாச்சு 9 காரட் தங்கம்!

தங்கம் மற்றும் வெள்ளியின் விலை தொடர்ந்து உயர்ந்து வருகிறது, இதன் காரணமாக 9 காரட் தங்க நகைகள் இப்போது விவாதித்திற்கு வர்த்தகர்கள் இந்திய தரநிலைகள் பணியகத்திடம் (BIS) ஒரு முக்கியமான வேண்டுகோளை விடுத்துள்ளனர்.

ஹால்மார்க்கிங்கை முன்னோக்கி எடுத்துச் செல்வதோடு, 9 காரட் தங்க நகைகளுக்கு ஹால்மார்க்கிங் பிரத்யேக அடையாள எண்ணையும் அறிமுகப்படுத்துமாறு வர்த்தகர்கள் பரிந்துரைத்துள்ளனர்.

ஆனால் இந்த 9 தங்கம் என்ன, இது உண்மையான தங்கத்தில் இருந்து எவ்வளவு வித்தியாசமானது, அதிலிருந்து நீங்கள் எவ்வாறு பயனடைவீர்கள் அதெல்லாம் குறித்து இங்கு பார்க்கலாம்.

ஒன்பது கேரட் தங்கத்தின் விலை தற்போது 10 கிராமுக்கு ரூ.28,000 ஆக உள்ளது. இதற்கு 3% கூடுதல் ஜிஎஸ்டியும் பொருந்தும். 9 காரட் தங்கத்திற்கு ஹால்மார்க்கிங் அங்கீகரிக்கப்பட்டால், நுகர்வோர் தங்களுடைய பட்ஜெட்டின் வரம்புக்குள் பெரிய நகைகளை வாங்க முடியும். இந்த நடவடிக்கையின் நோக்கம் நுகர்வோர் மீதான நிதிச்சுமையைக் குறைப்பதே ஆகும்.

உண்மையில், தங்கத்தைப் பொறுத்தவரை, அதன் தூய்மையை அளவிட காரட் பயன்படுத்தப்படுகிறது. தங்கம் 24 காரட் என்றால், அதில் 99.9 சதவீதம் சுத்தமான தங்கம் உள்ளது என்று அர்த்தம்.

22 காரட் தங்கத்தின் தூய்மையின் அளவு 91.7 சதவீதமாகவும், 18 காரட் தங்கத்தின் தூய்மை 75 சதவீதமாகவும் உள்ளது. அதேபோல, 14 காரட் தங்கம் 58.3 சதவீதமும், 12 கேரட் தங்கம் 50 சதவீதமும் தூய்மையானது.

10 காரட்டில் உள்ள தங்கத்தின் தூய்மை 41.7 சதவீதமாகவும், 9 காரட்டில் உள்ள தங்கத்தின் தூய்மை 37.5 சதவீதமாகவும் உள்ளது. இதிலும் வெள்ளி, செம்பு, துத்தநாகம், நிக்கல் போன்ற உலோகங்கள் கலக்கப்படுகின்றன.

இந்திய புல்லியன் மற்றும் ஜூவல்லர்ஸ் அசோசியேஷன் (IBJA) பிரதிநிதிகள் செவ்வாயன்று BIS அதிகாரிகளை சந்தித்தனர். இதன்போது, 9 காரட் தங்கத்திற்கான ஹால்மார்க்கிங் மற்றும் HUID எண் தொடர்பான முக்கிய விஷயங்களைப் பற்றி IBJA தேசிய செயலாளர் சுரேந்திர மேத்தா கூறியுள்ளார்.