ஜிபே லைன்ல வா..! இனி வாட்ஸ் அப்பில் இந்த வசதி அறிமுகம்!

சர்வதேச அளவிலான யு.பி.ஐ. பேமண்ட்களை மேற்கொள்ளும் வகையில் புதிய வசதியை வழங்குவதற்கான பணிகளில் வாட்ஸ்அப் நிறுவனம் ஈடுபட்டு வருகிறது.

இந்தப் புதிய வசதி யு.பி.ஐ. செட்டிங்ஸ் (UPI Settings) பகுதியில் இன்டர்நேஷனல் பேமண்ட்ஸ் (International Payments) ஆப்ஷனில் கிடைக்கும்.இதில் முக்கியமாக, இதனை தேர்வு செய்யும் போது, சர்வதேச யு.பி.ஐ. பேமண்ட் ஆப்ஷனை ஆக்டிவேட் செய்து, எவ்வளவு காலம் இது செயல்படுத்த வேண்டும் என்பதை தேர்வு செய்ய வேண்டும்

. யு.பி.ஐ. பேமண்ட் வசதியை வழங்கும் போன்பே (PhonePe) மற்றும் ஜிபே (GPay) உள்ளிட்டவைகளில் இந்த வசதி ஏற்கனவே வழங்கப்பட்டு இருக்கிறது.அந்த வரிசையில் தற்போது வாட்ஸ்அப் வந்துள்ளது. வாட்ஸ்அப் செயலியில் யு.பி.ஐ. பேமண்ட் சேவை கடந்த 2020 நவம்பர் மாதம் அறிமுகம் செய்யப்பட்டது.

இதில் 140-க்கும் அதிக வங்கிகளை பயன்படுத்த முடியும். சர்வதேச யு.பி.ஐ. பேமண்ட் மேற்கொள்ளும் வசதி தற்போதுஉருவாக்கப்பட்டு வருகிறது.தற்போதைக்கு இந்த அம்சம் தேர்வு செய்யப்பட்ட பீட்டா பயனர்களுக்கு மட்டும் வழங்கப்பட்டுள்ளது. இது தொடர்பான இதர விவரங்கள் மற்றும் வெளியீட்டு அப்டேட்கள் விரைவில் வெளியாக உள்ளது.