டி20 உலகக்கோப்பை தொடர் அமெரிக்கா மற்றும் வெஸ்ட் இண்டீசில் நடைபெற்று வருகிறது. இந்த தொடர் வருகிற 29-ம் தேதியுடன் முடிவடைகிறது. இதனையடுத்து இந்திய அணி ஜிம்பாப்வேவில் சுற்றுப்பயணம் மேற்கொண்டு ஜூலை 6 ஆம் தேதி முதல் 5 போட்டிகள் கொண்ட டி20 தொடரில் விளையாடவுள்ளது.
இந்நிலையில் ஜிம்பாப்வே அணிக்கு எதிரான இந்திய அணியை பிசிசிஐ அறிவித்துள்ளது. இந்த அணியின் கேப்டனாக சுப்மன் கில் நியமிக்கப்பட்டுள்ளார். இந்த அணியில் சுப்மன் கில் (கேப்டன்), யஷஸ்வி ஜெய்ஸ்வால், ருதுராஜ் கெய்க்வாட், அபிஷேக் சர்மா, ரிங்கு சிங், சஞ்சு சாம்சன், துருவ் ஜுரெல், நிதீஷ் ரெட்டி, ரியான் பராக், வாஷிங்டன் சுந்தர், ரவி பிஷ்னோய், ஆவேஷ் கான், கலீல் அகமது, முகேஷ் குமார் மற்றும் துஷார் தேஷ்பாண்டே ஆகியோர் இடம்பெற்றுள்ளனர்.
ஜூலை 6 முதல் 16ம் தேதி நடைபெறவிருக்கும் இந்த தொடரில் மூத்த வீரர்கள் யாரும் இல்லாமல் அணியை சுப்மன் கில் வழிநடத்தவிருக்கிறார். இந்த தொடரில் ரோகித் ஷர்மா, விராட் கோலி, ஹர்திக் பாண்டியா, சூர்யகுமார் யாதவ், ரவீந்திர ஜடேஜா மற்றும் ஜஸ்பிரித் பும்ரா உள்பட மூத்த வீரர்கள் பலருக்கும் ஓய்வளிக்கப்பட்டுள்ளது.
+ There are no comments
Add yours