ஷாருக்கான் தனது மகளுடன் ஷீரடியில் சுவாமி தரிசனம்!

நடிகர் ஷாருக்கான் தனது மகளுடன் ஷீரடியில் சுவாமி தரிசனம் செய்துள்ளார். இந்த வீடியோ தற்போது வைரலாகி வருகிறது.

இயக்குநர் அட்லியுடன் ஷாருக்கான் முதல் முறையாக இணைந்த ‘ஜவான்’ திரைப்படம் ஆயிரம் கோடி ரூபாய் வசூலைக் கடந்து வெற்றிப் பெற்றது. இதனை அடுத்து, ஷாருக்கானின் ‘டங்கி’ திரைப்படம் வெளியாக உள்ளது. இந்தப் படத்தில் இயக்குநர் ராஜ்குமார் ஹிரானியுடன் முதல் முறையாக இணைந்திருக்கிறார் ஷாருக். ஷாருக் ஜோடியாக தாப்ஸி நடித்திருக்க, இந்தப் படம் டிசம்பர் 21ம் தேதி திரையரங்குகளில் வெளியாக இருக்கிறது. இந்த நிலையில், தனது மகள் சஹானாவுடன் ஷீரடி சாய்பாபா கோயிலில் தரிசனம் மேற்கொண்டுள்ளார் ஷாருக்கான். இந்த வீடியோ தற்போது இணையத்தில் வைரலாகி வருகிறது.

கடந்த சில நாட்களுக்கு முன்பு ஷாருக்கான் மா வைஷ்ணோ தேவியின் கோயிலுக்குச் சென்றிருந்தார். இதை தொடர்ந்து ‘டன்கி’ படத்தின் வெற்றிக்காக மீண்டும் மா வைஷ்ணோ தேவி கோயிலில் வழிபாடு செய்தது மட்டும் இன்றி சீரடியிலும் தரிசனம் செய்துள்ளார். ‘ஜவான்’ பட வெளியீட்டிற்கு முன்பு நயன்தாரா, அட்லி மற்றும் படக்குழுவுடன் திருப்பதிக்கு சென்று வழிபட்டார் என்பது குறிப்பிடத்தக்கது.