அயலான் படம் உருவான விதம் !

ரவிக்குமார் இயக்கத்தில் சிவகார்த்திகேயன் நடித்துள்ள அயலான் திரைப் படத்தின் மேக்கிங் வீடியோ வெளியாகி வைரலாகி வருகிறது.

பொங்கல் பண்டிகையை முன்னிட்டு தனுஷின் ‘கேப்டன் மில்லர்’ ,சிவகார்த்திகேயனின் ‘அயலான்’ மற்றும் அருண் விஜய்யின் Mission Chapter 1 ஆகிய படங்கள் வெளியாகின.

இதில் கேப்டன் மில்லர்’ ,‘அயலான்’ ஆகிய திரைப்படங்கள் மிகவும் எதிர்பார்க்கப்பட்டது. இந்த இரண்டு திரைப்படங்களும் வெளியாகி ரசிகர்கள் மனதை கவர்ந்து வருகிறது.

இதில் ரவிக்குமார் இயக்கத்தில் சிவகார்த்திகேயன் நடிப்பில் உருவான அயலான் திரைப்படம் ஏலியனுக்கும் மனிதனுக்கும் இடையேயான உறவை மையமாக வைத்து உருவாகி உள்ளது.

இந்த இந்த படத்தை கேஜேஆர் நிறுவனம் தயாரித்துள்ளது. ரகுல் ப்ரீத் சிங் ஹீரோயினாக நடிக்க, கருணாகரன், யோகி பாபு, ஈஷா கோபிகர் உள்ளிட்டோர் முக்கியக் கதாபாத்திரங்களில் நடித்துள்ளனர். ஏ.ஆர்.ரஹ்மான் இசையமைக்க, நீரவ் ஷா இப்படத்துக்கு ஒளிப்பதிவு செய்துள்ளார்.

கடந்த 2018-ம் ஆண்டு தொடங்கப்பட்ட இந்த படம், சுமார் 6 ஆண்டுகள் கடின உழைப்புக்கு பின்னர் பொங்கலை முன்னிட்டு கடந்த 12 ஆம் தேதி திரை அரங்குகளில் வெளியாகியது.

குழந்தைகள் மட்டும் இல்லாமல் பேமிலி ஆடியன்ஸையும் கவரும் விதமாக இந்த படம் அமைந்துள்ளது. இப்படம் வெளியாகி ஐந்து நாட்கள் கடந்த நிலையில், ரூ.50 கோடிக்கு மேல் வசூலை குவித்துள்ளதாக தயாரிப்பு நிறுவனம் அதிகாரப்பூர்வமாக அறிவித்துள்ளது.

கலவையான விமர்சனங்களையே படம் பெற்றிருந்தாலும் அயலான் திரைப்படம் வசூல் ரீதியாக வெற்றிப்படமாக அமையலாம் என்றே எதிர்பார்க்கப்படுகிறது.

அயலான் படம் வெற்றிநடை போட்டு வரும் நிலையில், அயலான் படத்தின் மேக்கிங் வீடியோவை படக்குழு தற்போது வெளியிட்டு உள்ளது.

இந்த வீடியோவில் நடிகர் சிவகார்த்திகேயன், இசையமைப்பாளர் ஏ.ஆர்.ரகுமான், ஒளிப்பதிவாளர் நீரவ் ஷா, இயக்குனர் ரவிக்குமார், படத்தொகுப்பாளர் ரூபன், கலை இயக்குனர் முத்துராஜ்

மற்றும் தயாரிப்பாளார் ராஜேஷ் ஆகியோர் இந்த படத்தின் அனுபவங்கள் குறித்து பகிர்ந்துள்ளனர். இந்த வீடியோ தற்போது வைரலாகி வருகிறது.

இதற்கிடையே நடிகர் சிவகார்த்திகேயன் மற்றும் அயலான் படக்குழுவும் தியேட்டர்களுக்கு நேரடியாக சென்று ரசிகர்களை சந்தித்து வருகின்றனர்.