இரு வேடங்களில் கலக்கும் சூர்யா : கங்குவா அப்டேட் !

சூர்யாவின் நடிப்பில் பிரம்மாண்டமாக உருவாகி உள்ள கங்குவா படத்தின் புதிய போஸ்டர் ( kanguva poster ) வெளியாகி படத்தின் மீதான எதிர்பார்ப்பை எகிற வைத்துள்ளது.தமிழ் சினிமாவில் இருக்கும் மாஸ் நடிகர்களுள் ஒருவராக வலம் வரும் நடிகர் சூர்யாவின் நடிப்பில் தற்போது முழுவீச்சில் உருவாகி வரும் வரலாற்று திரைப்படம் தான் கங்குவா.

ஸ்டுடியோ கிரீன் மற்றும் யுவி கிரியேஷன்ஸ் இணைந்து மிக பெரிய பொருட்செலவில் தயாரித்து வரும் இப்படத்தை சிறுத்தை சிவா இயக்க தேவி ஸ்ரீ பிரசாத் இசையமைத்து வருகிறார் .ரசிகர்களின் மிக பெரிய எதிர்பார்ப்புக்கிடையே உருவாகி வரும் இப்படத்தில் சூர்யாவுக்கு ஜோடியாக பாலிவுட் நடிகை திஷா பதானி நடிக்கிறார் .

இவர்களுடன் சேர்ந்து கோவை சரளா, யோகி பாபு, ரெடின் கிங்ஸ்லி, ஆனந்தராஜ், ரவி ராகவேந்திரா, கே.எஸ்.ரவிக்குமார் மற்றும் பி.எஸ்.அவினாஷ் உள்ளிட்ட முன்னணி நடிகர்கள் முக்கிய கதாபாத்திரங்களில் நடிக்கின்றனர் .வரலாற்று சிறப்புமிக்க ஆக்சன் படமாக உருவாகி வரும் கங்குவா உலகம் முழுவதும் சுமார் பத்து மொழிகளில் வெளியாக உள்ளதாக அறிவிக்கப்பட்டது .

இதற்கிடையில் கடந்த சில வாரங்களுக்கு முன் இப்படத்தின் மாஸான டீசர் வெளியாகி ரசிகர்கள் மத்தியில் நல்ல வரவேற்பை பெற்றது.இந்நிலையில் தமிழ் புத்தாண்டான இன்று கங்குவா படக்குழு ஒரு சிறப்பான தரமான போஸ்டரை வெளியிட்டுள்ளது. அந்த போஸ்ட்டரில் சங்ககால போர் உடையில் ஒருபக்கம் சூர்யா இருக்க மறுபக்கம் டிப்பு டாப்பான கோட் சூட்டில் சூர்யா உள்ளார்.

இதனை கண்ட ரசிகர்கள் இந்த படத்தில் பல வேடங்களில் நடிக்கிறாரா ( kanguva poster ) இது கடந்த காலத்திற்கும் நிகழ்காலத்திற்கும் தொடர்புடைய கதையா என கேள்வி எழுப்பி வருகின்றனர்.