இல்லை அது சிக்ஸ்.. சிக்ஸ்.. நடிகர் விஜய் !

மாஸ்டர்’ திரைப்படத்தை தொடர்ந்து விஜய் லோகேஷ் கனகராஜ் கூட்டணியில் நடிகர் விஜய் நடிப்பில் வெளியான ‘லியோ’ திரைப்படம் வெளியாகி உலகளவில் நல்ல வரவேற்பை பெற்றது.

இந்தப் படத்தின் விஜயுடன் த்ரிஷா, சஞ்சய் தத், அர்ஜூன், கௌதம் வாசுதேவ் மேனன், மிஷ்கின், பிரியா ஆனந்த் உள்ளிட்டோர் நடித்துள்ளனர்.

அந்த வெற்றி படத்தை தொடர்ந்து, தற்போது நடிகர் விஜய் இயக்குனர் வெங்கட் பிரபு இயக்கத்தில் உருவாகி வரும் ‘GOAT’ படத்தில் நடித்து வருகிறார்.

முன்னதாக,தெலுங்கு திரையுலகில் முன்னணி இயக்குனராக வலம் வருபவர் வம்சி. அவர் தமிழில் விஜய்யுடன் முதன்முறையாக கூட்டணி அமைத்துள்ள படம் வாரிசு.

தில் ராஜு பெரும் பொருட்செலவில் தயாரித்துள்ள இப்படத்தில் ராஷ்மிகா, குஷ்பு, சங்கீதா, சம்யுக்தா, ஷியாம், சரத்குமார், எஸ்.ஜே.சூர்யா, யோகிபாபு என மிகப்பெரிய நட்சத்திர பட்டாளமே நடித்துள்ளது.

அந்த படத்தில் நட்சத்திர பட்டாளமே நடித்து வரும் இந்த படத்தில், நடிகர் விஜய் இரட்டை வேடத்தில் நடிக்கிறார்.

தமன் இசையமைத்துள்ள இப்படத்திற்கு கார்த்திக் பழனி ஒளிப்பதிவு செய்துள்ளார். இப்படத்திற்கு பாடலாசிரியர் விவேக் வசனம் எழுதி உள்ளார்.

கடந்த ஆண்டு 2022 ஆம் ஆண்டு பொங்கல் பண்டிகை அன்று தளபதி விஜய் நடிப்பில் உருவான வாரிசு திரைப்படம் திரைக்கு வந்தது.

இந்த நிலையில்,வாரிசு படப்பிடிப்பின் போது நடிகர் விஜய் கிரிக்கெட் களத்தில் தனது டீமுக்காக சண்டை போடும் வீடியோ ஒன்றை பாடலாராசிரியர் விவேக் தனது ட்விட்டர் பக்கத்தில் பகிர்ந்துள்ளார்.

அதில் பேட்டிங் டீமுக்கு சப்போர்ட் செய்யும் நடிகர் விஜய், பேட்ஸ்மேன் அடித்த பந்தை அனைவரும் 4 என்று சொல்ல, அதை நடிகர் விஜய் மறுத்து இல்லை அது சிக்ஸ்.. சிக்ஸ்.. என்று வாக்குவாதம் செய்து தனது டீமுக்கு கைதட்டி சப்போர்ட் செய்யும் வீடியோ இணையத்தில் விஜய் ரசிகர்களால் பகிரப்பட்டு வருகிறது.

அந்த கிரிக்கெட் களத்தில் நடிகர் விஜய் , நடிகர் யோகிபாபு, இயக்குனர் வம்சி, நடிகை ரஷ்மிகா மற்றும் படக்குழுவினர் இடம் பெற்றிருந்தனர் என்பது குறிப்பிடத்தக்கது.