கண்ணியமிக்க ஜோடி என்னை வெச்சி செய்து விட்டார்கள்… ராதிகா !

தமிழ் சினிமாவில் லேடி சூப்பர்ஸ்டார் என அழைக்கப்படுகிறார் நடிகை நயன்தாரா. முன்னணி நடிகையாக இருக்கும் நடிகை நயன்தாரா நானும் ரவுடிதான் படத்தில் பணியாற்றிய போது படத்தின் இயக்குனரான விக்னேஷ் சிவனை காதலித்தார். அப்போதைய காலகட்டத்தில் மிகவும் சீக்ரட்டாக மெயிண்டைன் செய்யப்பட்டிருந்த இவர்களுடைய காதல், காலப்போக்கில் லைம்லைட்டுக்கு வந்தது. அதன்பிறகு அறிவிக்கப்பட்டு கடந்த 2022ல் இவர்களது திருமணம் வெகு விமர்சையாகவும் நடைபெற்றது.

கடந்த 2022ஆம் ஆண்டு நயன்தாரா மற்றும் விக்னேஷ் சிவன் ஜோடியின் திருமணம் வெகு விமர்சையாக நடைபெற்றது. அந்த வகையில் அந்த ஆண்டு அக்டோபர் மாதமே வாடகை தாய் மூலம் இரட்டை ஆண் குழந்தைகளுக்கு அம்மா அப்பா ஆகினார்கள் நயன்தாரா மற்றும் விக்னேஷ் சிவன் ஜோடி. அவ்வப்போது குடும்பத்தின் க்யூட் புகைப்படங்களை சமூக வலைத்தளங்களில் பதிவிட்டு ரசிகர்களின் கவனத்தை ஈர்த்து வருகிறது இந்த கியூட் ஜோடி.

கடந்த சில தினங்களாகவே நயன்தாரா மற்றும் விக்னேஷ் சிவனுக்கு இடையில் பிரச்சனை நடப்பதாகவும் இருவரும் விவாகரத்து செய்யப்போவதாகவும் சில வதந்திகள் இணையத்தில் பகிரப்பட்டு வருகிறது. இதற்கு முக்கிய காரணம் நயன்தாரா பதிவிட்ட இன்ஸ்டாகிராம் ஸ்டோரியாகும். எனினும் இதுகுறித்து எந்தவித நம்பகத்தன்மையான தகவலும் வரவில்லை. அந்த வகையில், நட்சத்திர ஜோடிகள் குறித்து வரும் வழக்கமான வதந்தி போல இதையும் கடந்து வருகிறார்கள் சினிமா ரசிகர்கள்.
​விக்னேஷ் சிவனை விவாகரத்து செய்கிறாரா நயன்தாரா ? இன்ஸ்டாகிராம் ஸ்டோரியால் எழுந்த சர்ச்சை ? உண்மை என்ன ?​

நயன்தாரா மற்றும் விக்னேஷ் சிவனுக்கு காதல் மலர்ந்த படம்தான் நானும் ரவுடிதான். இந்த படத்தில் ஹீரோ விஜய் சேதுபதிக்கு அம்மா கதாபாத்திரத்தில் நடித்திருப்பார் நடிகை ராதிகா சரத்குமார். நானும் ரவுடிதான் படத்தின் படப்பிடிப்பின்போது இரவு நேரங்களில் ராதிகா மற்றும் நயன்தாரா செய்யும் சேட்டைகள் மிகவும் அதிகமாம். எங்கேயாவது செல்வது.. சாப்பிட செல்வது என இருப்பார்களாம். ராதிகா மீது அவ்வளவு அக்கறையோடு இருந்தாராம் நயன்தாரா. இந்த விஷயத்தை ராதிகாவே சமீபத்திய பேட்டி ஒன்றில் பகிர்ந்திருக்கிறார்.

நானும் ரவுடிதான் படத்தை நடிகர் தனுஷ் அவருடைய வொண்டர்பார் ஃபிலிம்ஸ் நிறுவனத்தின் மூலம் தயாரித்தார். பாண்டிச்சேரியில் படப்பிடிப்பை முடித்தபிறகு சென்னை திரும்பிய ராதிகாவிற்கு திடீரென கால் செய்தாராம் தனுஷ். அப்போது பேசிய தனுஷ், ஷூட்டிங் எப்படி நடந்தது என நலம் விசாரித்த பிறகு, நயன்தாரா மற்றும் விக்னேஷ் சிவன் திருமணம் செய்து கொள்வதாக கூறினார். இதை கேட்டு ஷாக்கான ராதிகா, ஷூட்டிங்கில் நான் தானே கூட இருந்தேன்.. அப்படி எல்லாம் கிடையாது என பேசினாராம்.

உடனே, இத்தனை ஆண்டுகளாக சினிமாவில் இருக்கிறீர்களே.. வெக்கமே இல்லையா.. உங்கள் கண் முன்னே ஒரு காதல் ஜோடி இருந்திருக்கிறது.. அதை நீங்கள் கவனிக்கவில்லையா ? வெட்கமே இல்லையா ? என கேள்வி கேட்டாராம் தனுஷ். படப்பிடிப்பு தளத்தில் இவர்கள் காதலர்கள் என தெரிந்திடாத அளவிற்கு விக்னேஷ் சிவன் மற்றும் நயன்தாரா நடந்து கொண்டார்களாம். அவ்வளவு கண்ணியமிக்க ஜோடி என்னை வெச்சி செய்து விட்டார்கள் என சிரித்துக் கொண்டே பகிர்ந்து இருக்கிறார் நடிகை ராதிகா சரத்குமார்.

இவ்வாறு நடிகை ராதிகா சரத்குமார் சமீபத்தில் அவர் கலந்து கொண்ட யூடியூப் சேனல் பேட்டியில் பகிர்ந்திருக்கிறார். சரத்குமார் மற்றும் அவரது முதல் மனைவி சாயா தேவியின் இளைய மகளான நடிகை வரலட்சுமி சரத்குமாருக்கு கடந்த சில தினங்களுக்கு முன்பு விமர்சையாக நிச்சயதார்த்தம் நடந்திருக்கிறது.

மும்பையை சேர்ந்த தொழிலதிபர் நிக்கோலய் சச்தேவ் என்பவருடன் இவருடைய நிச்சயதார்த்தம் நடித்திருக்கிறது என்பது குறிப்பிடத்தக்கது. அந்த வகையில் ராதிகா வீட்டிலும் விசேஷம்தான்..