நிறைவடைந்தது ‘டெஸ்ட்’ திரைப்பட படப்பிடிப்பு !

மிக பெரிய நட்சத்திர பட்டாளங்களுடன் உருவான ‘டெஸ்ட்’ திரைப்படத்தின் படப்பிடிப்பு நிறைவடைந்துள்ளதாக படக்குழு அதிகாரப்பூர்வ அறிவிப்பை வெளியிட்டுள்ளது.

சசிகாந்த் இயக்கத்தில் மாதவன், சித்தார்த், நயன்தாரா, மீரா ஜாஸ்மின் உள்பட பல முன்னணி நட்சத்திரங்களின் நடிப்பில் உருவான திரைப்படம் தான் ’தி டெஸ்ட்’.

கிரிக்கெட்டை மையமாக வைத்து உருவாகி உள்ள இந்த படம் தமிழ், தெலுங்கு, மலையாளம், கன்னடம் என நான்கு மொழிகளில் உருவாக்கப்பட்டு வருகிறது.

இந்த படத்தின் படப்பிடிப்பு கடந்த சில மாதங்களாக விறுவிறுப்பாக நடைபெற்ற நிலையில் தற்போது இந்த படப்பிடிப்பு முடிவடைந்து விட்டதாக தகவல் வெளியாகி இருந்தது. ஆனால் இதுகுறித்த அறிவிப்பு வெளியாகாமலே இருந்து வந்தது.

இந்நிலையில் இணையத்தில் கசிந்த செய்தி உண்மை தான் உண்மையில் டெஸ்ட் படத்தின் படப்பிடிப்பு நிறைவு பெற்றுள்ளதாக படக்குழு அதிகாரப்பூர்வமாக அறிவித்துள்ளது.

இந்த செய்தியினை படக்குழுவினர் வீடியோவாக வெளியிட்டு இருக்கும் நிலையில் அந்த வீடியோவை தனது இன்ஸ்டாகிராம் பக்கத்தில் வெளியிட்டுள்ளார் லேடி சூப்பர் ஸ்டார் நயன்தாரா’.

இதுமட்டுமின்றி இத்தனை நாட்கள் வேற லெவெலில் உருவாகி வந்த தி டெஸ்ட்’ படத்தின் படப்பிடிப்பு முடிந்து விட்டதாகவும் வரும் கோடை விடுமுறையில் இந்த படத்தை நீங்கள் திரையரங்குகளில் பார்க்கலாம் என்றும் பதிவு செய்துள்ளார்.

திருமணத்திற்கு பின் நடிகை நயன்தாரா மிகவும் கவனத்துடன் கதைகளை தேர்ந்தெடுத்து நடித்து வரும் நிலையில் தி டெஸ்ட் படமும் அவருக்கு ஒரு நம்பிக்கை கொடுத்திருக்கும் என எதிர்பார்க்கப்படுகிறது.

அதுமட்டுமின்றி மாதவன் சித்தார்த் போன்ற அருப்புதமான நடிகர்கள் இந்த படத்தில் இடம் பெற்றிருப்பதால் இந்த படத்தின் கதை நார்மலான கிரிக்கெட் கதையாக மற்றும் இருக்காது என்று எதிர்பார்க்கப்படுகிறது.

இப்படம் ரசிகர்கள் மத்தியில் மிக பெரிய எதிர்பார்ப்பை ஏற்படியுத்தியுள்ள நிலையில் படம் குறித்த அடுத்த அப்டேட் விரைவில் வெளியாகும் என்றும் எதிர்பார்க்கப்படுகிறது.

இந்நிலையில் அனைவரும் எதிர்பார்ப்பது போல் டெஸ்ட் படம் வெற்றி படங்களின் பட்டியலில் இடம் பெறுமா இல்லையா என்பதை காத்திருந்து பார்க்கலாம்.