ரஜினிகாந்த் நடித்துள்ள ‘லால் சலாம்’ படத்தின் பாடல் வெளியீடு!

நடிகர் ரஜினிகாந்த் நடித்துள்ள ‘லால் சலாம்‘ படத்தின் இரண்டாவது சிங்கிள் தற்போது வெளியாகியுள்ளது.

‘ஜெயிலர்’ படத்திற்குப் பிறகு நடிகர் ரஜினிகாந்த் நடித்துள்ள ‘லால் சலாம்’ படத்திற்கு ரசிகர்கள் மத்தியில்எதிர்பார்ப்பு உள்ளது. இந்தப் படம் பொங்கல் விடுமுறை தினத்தை ஒட்டி வெளியாக இருப்பதாக அறிவிக்கப்பட்டது. பின்பு, பொங்கல் ரேஸில் இருந்து விலகிய இந்தப் படம் அடுத்த மாதம் வெளியாகும் என அறிவிக்கப்பட்டுள்ளது. இந்தப் படத்தை ரஜினியின் மூத்த மகள் ஐஸ்வர்யா இயக்கியுள்ளார். இந்தப் படத்தில் ‘மொய்தீன் பாய்’ என்றகதாபாத்திரத்தில் ரஜினிகாந்த் கவுரவ வேடத்தில் நடித்துள்ளார். விக்ராந்த், விஷ்ணு விஷால் இருவரும் பிரதானகதாபாத்திரங்களில் நடித்துள்ளனர். படத்துக்கு ஏ.ஆர்.ரஹ்மான் இசையமைத்துள்ளார்.

கடந்த சில வாரங்களுக்கு முன்பு இந்தப் படத்தில் இருந்து திருவிழா பாடலாக முதல் சிங்கிள் வெளியானது. இதனை அடுத்து தற்போது ‘ஏ புள்ள…’ என்ற இரண்டாவது பாடல் சித் ஸ்ரீராம் குரலில் வெளியாகியுள்ளது. காதல்பாடலாக உருவாகியுள்ள இந்தப் பாடலுக்கு கபிலன் வரிகள் எழுதியுள்ளார். படம் அடுத்த மாதம் 9 ஆம் தேதிவெளியாக இருக்கிறது