அஜித் 63… நடிகை யார் ?!

இயக்குனர் ஹச்.வினோத் இயக்கத்தில் தல அஜித் துணிவு படத்தில் நடித்திருந்தார். துணிவு படத்திற்கு பிறகு இயக்குனர் மகிழ் திருமேனியுடன் விடாமுயற்சி படத்திற்காக நடிகர் அஜித் இணைந்தார். விடாமுயற்சி திரைப்படம் நடிகர் அஜித்தின் 62வது திரைப்படம் என்பது குறிப்பிடத்தக்கது. இந்த படத்தின் படப்பிடிப்பு கடந்தாண்டு அக்டோபர் மாதத்தில் துவங்கியது.

விடாமுயற்சி படத்தின் போதே அஜித் அவருடைய அடுத்த படத்திற்கான இயக்குனரை செலெக்ட் செய்தார். மார்க் ஆண்டனி வெற்றி படத்தை கொடுத்த இயக்குனர் ஆதிக் ரவிச்சந்திரனுடன் அஜித் அவரது 63வது படத்திற்காக இணைந்திருக்கிறார்.

இயக்குனர் ஆதிக் ரவிச்சந்திரன் 2015ல் வெளியான த்ரிஷா இல்லனா நயன்தாரா படத்தை இயக்கி இயக்குனராக அறிமுகமானார். அதன்பிறகு சிம்புவை வைத்து AAA, பிரபுதேவா நடிப்பில் பாகீரா, சமீபத்தில் விஷால் மற்றும் எஸ்.ஜே.சூர்யா நடிப்பில் மார்க் ஆண்டனி ஆகிய படங்களை இயக்கி இருக்கிறார். இவர் 2019 அஜித் நடிப்பில் வெளியான நேர்கொண்ட பார்வை படத்தில் ஒரு கதாபாத்திரத்தில் நடித்திருந்தவர் என்பதும் குறிப்பிடத்தக்கது.

இயக்குனர் ஆதிக் ரவிச்சந்திரன் அஜித்தின் தீவிர ரசிகராகும். அந்த வகையில், அஜித்தை வைத்தே அடுத்த படத்தை இயக்குகிறார். இந்த புது படத்தை மைத்ரி மூவி மேக்கர்ஸ் நிறுவனம் தயாரிக்கிறது. இந்த படத்திற்கு தேசிய விருது வென்ற இசையமைப்பாளர் தேவி ஸ்ரீ பிரசாத் இசையமைக்கிறார்.

இந்த படத்தின் கதை 80களில் கிராமத்தை மையப்படுத்தியதாக இருக்குமாம். படத்திற்கான கதை எழுதுவதில் இயக்குனர் ஆதிக் பிசியாக இருக்கிறாராம். அது மட்டுமல்லாமல் இந்த படத்தில் கதாநாயகியாக நடிக்க இரண்டு நடிகைகளை ஷார்ட்லிஸ்ட் செய்து வைத்திருக்கிறார் ஆதிக்.

ஹிந்தி படங்களில் பிரதானமாக நடித்து, எம்.எஸ்.தோனி படத்தின் மூலமாக பேன் இந்திய லெவலில் பிரபலமானவர் திஷா பதானி. தற்போது இயக்குனர் சிறுத்தை சிவா இயக்கத்தில் சூர்யாவின் கங்குவா படத்தில் இவர் நடித்திருக்கிறார். இதுவே இவரது முதல் தமிழ் திரைப்படம் என்பதும் குறிப்பிடத்தக்கது.

ஹிந்தி படத்தில் நடித்து அறிமுகமாகி தற்போது தெலுங்கு சினிமாவில் முன்னணி நடிகையாக இருப்பவர் மிருணாள் தாகூர். இவர் சீதாராமன் படத்தில் நடித்ததன் மூலம் மிகவும் பிரபலமானவர். திஷா பதானி அல்லது மிருணாள் தாகூர்தான் AK 63 படத்தில் கதாநாயகியாக நடிக்க அதிக வாய்ப்பு இருப்பதாக கூறப்படுகிறது.

அந்த வகையில், இந்த இரு கதாநாயகிகளுள் யார் அஜித்துடன் ஜோடி சேர்கிறார் என்பதை பொறுத்திருந்துதான் பார்க்க வேண்டும். தற்போது விடாமுயற்சி படத்தின் படப்பிடிப்பு வேகமாக நடந்து வருகிறது. விடாமுயற்சி மே மாதத்தில் ரிலீசுக்கு வரலாம் என எதிர்பார்க்கப்படுகிறது. அந்த வகையில் வருகின்ற ஏப்ரல் அல்லது மே மாதத்தில் ஆதிக் ரவிச்சந்திரன் இயக்கவிருக்கும் ஏகே 63 படத்தின் படப்பிடிப்பு தொடங்கும் என எதிர்பார்க்கப்படுகிறது.