வெங்கட்பிரபு, விஜய் கூட்டணியில் உருவாகி வரும் ‘GOAT’ படத்தின் முதல் சிங்கிள் குறித்தான அறிவிப்பு வெளியாகியுள்ளது. கலர் பேக்ரவுண்டில் அசத்தல் போஸ்டருடன் இந்த அறிவிப்பு வெளியாகியுள்ளது.
நடிகர் விஜய் நடித்துள்ள ‘GOAT’ படத்தின் முதல் பாடல் பற்றிய அப்டேட் படக்குழு கொடுத்திருக்கிறது. கடந்த சில தினங்களுக்கு முன்பு இந்தப் படம் இந்த ஆண்டு செப்டம்பர் 5 அன்று வெளியாகும் என அறிவிக்கப்பட்டிருந்தது. விநாயகர் சதுர்த்தி விடுமுறையை ஒட்டி வெளியாகும் இந்தப் படத்தின் புரோமோஷன் பணிகளை ஒவ்வொன்றாக இப்போதே படக்குழு தீவிரப்படுத்தியுள்ளது.
அந்த வகையில், படத்தில் இருந்து முதல் பாடலுக்கான அப்டேட்டை படக்குழு கொடுத்துள்ளது. ’யுவன் ஷங்கர் ராஜா இசையில் வெளியாகும் முதல் பாடலுக்கு ‘ஆர் யூ ரெடி’ என ரசிகர்களை உற்சாகப்படுத்தியுள்ளது படக்குழு. இதைப்பார்த்த ரசிகர்கள் நாளை தமிழ் புத்தாண்டுக்கு முதல் பாடல் வெளியாகிறதா அல்லது எப்போது என்ற அறிவிப்பு வர இருக்கிறதா எனக் கேள்வி எழுப்பி வருகின்றனர்.
‘புதிய கீதை’ படத்திற்குப் பிறகு கிட்டத்தட்ட 23 ஆண்டுகள் கழித்து விஜய் படத்திற்கு இசையமைக்கிறார் யுவன். இதனால், நிச்சயம் ஹிட் நம்பர் தருவார் என்பதில் சந்தேகம் இல்லை என ரசிகர்கள் இப்போதே முதல் சிங்கிளை எதிர்நோக்கியுள்ளனர்.
அப்பா- மகன் என இந்தக் கதையில் இரட்டை வேடத்தில் நடிக்கிறார் நடிகர் விஜய். டீ ஏஜிங் தொழில்நுட்பத்தையும் இந்தப் படத்தில் பயன்படுத்தி இருக்கிறார் வெங்கட்பிரபு. மீனாட்சி செளத்ரி, லைலா, மோகன், பிரபுதேவா, பிரஷாந்த் உள்ளிட்டப் பலர் இதில் நடிக்கின்றனர். நடிகை த்ரிஷாவும் இந்தப் படத்தில் பாடல் ஒன்றிற்கு நடனமாடியுள்ளார் என சொல்லப்படுகிறது. அந்தப் பாடல்தான் நாளை வெளியாகுமா எனவும் ரசிகர்கள் எதிர்பார்த்துள்ளனர்.
+ There are no comments
Add yours