LEO’ படம் பார்த்தவர்கள், Spoilers பகிர வேண்டாம் – ரசிகர்களுக்கு அன்பு வேண்டுகோள் விடுத்த லோகேஷ் கனகராஜ்

உலகம் முழுவதும் உள்ள திரையரங்குகளில் இன்று கோலாகலமாக வெளியாக இருக்கும் தளபதியின் லியோ திரைப்படத்தை பார்த்தவர்கள், தயவு செய்து Spoilers பகிர வேண்டாம் என ரசிகர்களுக்கு அன்பு வேண்டுகோள் விடுத்துள்ளார் இயக்குநர் லோகேஷ் கனகராஜ்

தளபதி விஜய் மற்றும் லோகேஷ் ஆகியோரின் காம்போவில் மிக பெரிய பொருட் செலவில் உருவாகியுள்ள லியோ திரைப்படம் ரசிகர்களின் ஏகபோக எதிர்பார்ப்புகளுக்கிடையே இன்று கோலாகலமாக வெளியாக உள்ளது.

செவன் ஸ்கிரீன் ஸ்டூடியோஸ் தயாரிக்கும் இப்படத்தில் தளபதி விஜய்யுடன் சேர்ந்து திரிஷா, அர்ஜுன், சஞ்சய் தத், பிரியா ஆனந்த், மன்சூர் அலிகான், மிஷ்கின், கௌதம் வாசுதேவ் மேனன், டான்ஸ் மாஸ்டர் சாண்டி, மேத்யூ தாமஸ் உள்ளிட்ட பல முன்னணி நட்சத்திரங்கள் முக்கிய கதாபாத்திரத்தில் நடித்துள்ளனர்.

தமிழ் மட்டுமின்றி தெலுங்கு, கன்னடம், இந்தி உள்ளிட்ட பல மொழிகளில் இன்று வெளியாக உள்ள இப்படத்திற்கு ராக்ஸ்டார் அனிருத் இசையமைத்துள்ளார் .

இந்நிலையில் லியோ படத்தை பார்த்தவர்கள், தயவு செய்து Spoilers பகிர வேண்டாம் என ரசிகர்களுக்கு அன்பு வேண்டுகோள் விடுத்துள்ளார் இயக்குநர் லோகேஷ் கனகராஜ்.

இதுகுறித்து லோகேஷ் கனகராஜ் விடுத்துள்ள செய்திக்குறிப்பில் கூறிருப்பதாவது :

லியோ’ படம் இன்னும் சற்று நேரத்தில் வெளியாகவுள்ளது. இது மிகவும் உணர்வுப்பூர்வமான தருணம். நான் எதிர்பார்த்ததை முழுமையாக கொடுக்க தன்னால் முடிந்த அனைத்தையும் செய்த நடிகர் விஜய்க்கு நன்றி.
இப்படத்திற்காக கடின உழைப்பை அளித்த அனைவருக்கும் நன்றி. லியோவிற்கு அன்பை பொழிந்து வரும் ரசிகர்களுக்கு நன்றி.