விஜய்யின் 69 வது படத்தில் இணைகிறார் சிவராஜ்குமார் ?

‘தி கோட்’ படத்தை அடுத்து விஜய் நடிக்கும் படத்தை ஹெச். வினோத் இயக்குகிறார். விஜய்யின் 69 வது படமான இதில், பூஜா ஹெக்டே, பாபி தியோல், பிரகாஷ்ராஜ், கவுதம் மேனன், மமிதா பைஜு உட்பட பலர் நடிக்கின்றனர். அனிருத் இசையமைக்கும் இந்தப் படத்தைப் பெங்களூரைச் சேர்ந்த கேவிஎன் புரொடக்‌ஷன்ஸ் தயாரிக்கிறது.

இந்நிலையில் இந்தப் படத்தின் முக்கிய கேரக்டரில் நடிக்க, கன்னட சூப்பர் ஸ்டார் சிவராஜ் குமாரிடம் படக்குழுவினர் பேசியுள்ளனர். இதை சிவராஜ் குமார் பேட்டி ஒன்றில் குறிப்பிட்டுள்ளார். அவர் கூறும்போது, “விஜய் 69 படத்தில், சிறப்பான வேடம் ஒன்றில் நடிக்க என்னிடம் கேட்டுள்ளனர். எனது கால்ஷீட் காரணமாக அதில் பங்கேற்பது பற்றி இன்னும் தெரியவில்லை. விஜய் நல்ல நடிகர். சிறந்த மனிதர். அரசியலில் அவரது லட்சியம் உண்மையிலேயே பாராட்டத்தக்கது” என்றார்