‘தக் லைஃப்’ படத்தின் டீசர் வெளியானது !

நடிகர் கமல்ஹாசனின் பிறந்தநாளை முன்னிட்டு ‘தக் லைஃப்’ படத்தின் டீசர் மற்றும் வெளியீட்டு தேதியை படக்குழு அறிவித்துள்ளது.

நடிகர் கமல்ஹாசனின் 70ஆவது பிறந்தநாளை முன்னிட்டு திரையுலகினரும் ரசிகர்களும் அவருக்கு வாழ்த்து தெரிவித்து வருகின்றனர். மணிரத்னம் இயக்கத்தில் அவர் நடித்து வரும் ‘தக் லைஃப்’ படத்தின் டீசர் மற்றும் வெளியீட்டு தேதி அவரது பிறந்தநாள் ஸ்பெஷலாக வெளியாகி இருக்கிறது.

மருதநாயகம் லுக்கில் கமல்ஹாசன் ஆக்‌ஷன் காட்சிகளில் டீசரில் அசத்தியிருக்கிறார் என்றும் இரத்தம் தெறிக்கும் முகத்தோடு சீறிப் பாய்ந்து வரும் சிம்புவை பார்ப்பதற்கே அட்டகாசமாக இருக்கிறது என்றும் ரசிகர்கள் தெரிவித்து வருகின்றனர். டீசரின் இறுதியில் இளைமையான தோற்றத்தில் கமல் வருகிறார். படம் அடுத்த ஆண்டு ஜனவரியில் வெளியாகும் என எதிர்பார்த்த நிலையில் ஜூன் 5, 2025ல் வெளியாகும் எனப் படக்குழு அதிகாரப்பூர்வமாக அறிவித்துள்ளது.