உங்களின் அறிவற்ற செயலினை புரிந்துகொள்வீர்கள்… விஷால் !

திரைத்துறை மற்றும் நடிகை திரிஷா குறித்து அதிமுக முன்னாள் நிர்வாகி ஒருவர் அவதூறாக பேசியுள்ளது பெரும் சர்ச்சை ஆகி வரும் நிலையில் இந்த சம்பவத்திற்கு பலரும் கடும் கண்டனம் தெரிவித்து வருகின்றனர்.

அந்த வகையில் தற்போது நடிகர் சங்க பொதுச்செயலாளரும் நடிகருமான விஷாலும் அவரது கண்டனத்தை பதிவு செய்துள்ளார் .

இதுகுறித்து நடிகர் விஷால் வெளியிட்டுள்ள செய்தியில் கூறிருப்பதாவது :

ஒரு அரசியல் கட்சியைச் சேர்ந்த பெருத்த ஒரு முட்டாள் நம் திரையுலகைச் சேர்ந்த சக கலைஞரை பற்றி மிகவும் கேவலமாக பேசியதாகக் கேள்விப்பட்டேன்.

அந்த பெரும் முட்டாள் ஒரு விளம்பரத்திற்காக இதைச் செய்து இருக்கிறார். என்பதற்க்காக நானும் அவருடைய பெயரை குறிப்பிட்டு அவரை விளம்பர படுத்த விரும்பவில்லை, ஏனென்றால் நாங்கள் சக கலைஞர்களை மதிக்கும் நல்ல பண்புள்ளவர்கள்.

மேலும் உங்களின் இதுபோன்ற மனசாட்சியற்று பேசிய சொற்களால் உங்கள் இல்லத்தில் உள்ள பெண்களின் மனநிலையை நீங்கள் அறிந்திருக்க வேண்டும்.

இந்த பூமியில் உங்களை போன்ற மனித தன்மையற்ற நபர்களும் இருக்கிறார்கள் என்பதை என்ணி வேதனை அடைகிறேன்.

இப்படி கீழ் தனம் உள்ள உங்களால் அரசியலில் மக்கள் பணியில் மக்களுக்காக நல்ல திட்டடங்களை எப்படி வகுக்க முடியும் என்பதே கேள்விக்குறிதான்.

இந்த பதிவு நடிகர் சங்க பொதுச்செயலாளர் என்ற முறையில் இல்லை, சக கலைஞனாகவும், பெண்களை இழிவு படுத்தி பேசிய உங்களை சக மணிதனாகவும் வன்மையாக கண்டிக்கிறேன்.

முன்குறிப்பு :- உங்களின் அறிவற்ற செயலினை புரிந்துகொள்வீர்கள் என்று நம்புகிறேன். உங்களுக்கு ஒரு வேலை புரியவில்லை என்றால்

உங்களை விட அதிகமாக படித்த அருகில் உள்ள இரண்டாம் வகுப்பு மாணவ, மாணவியர்களிடம் கேட்டு அறிந்துக்கொள்ளுங்கள் நடிகர் விஷால் தெரிவித்துள்ளார்.

திரிஷா மற்றும் திரைத்துறையினர் மீதான எனது பேச்சு தவறாக சித்தரிக்கப்பட்டுள்ளது என்றும் நான் பேசியது தவறு என்று நினைத்தால்

அனைவர்க்கும் எனது வருத்தத்தை தெரிவித்து கொள்வதாக அந்த அதிமுக முன்னாள் நிர்வாகி வீடியோ ஒன்றையும் வெளியிட்டுள்ளார்.