ஸ்மார்ட்பிரிட்ஜ் உடன் இணையும் ஐ.ஐ.டி மெட்ராஸ் !

இந்தியன் இன்ஸ்டிடியூட் ஆப் டெக்னாலஜி, மெட்ராஸ் ஸ்வயம் பிளஸ் குறித்த பல்வேறு வகையான படிப்புகளை வழங்குகிறது, இது இந்திய அரசின் கல்வி அமைச்சகத்தின் முயற்சியாகும். வெராண்டா கற்றல் நிறுவனமான ஸ்மார்ட்பிரிட்ஜ் உடன் இணைந்து ஐ.ஐ.டி மெட்ராஸால் மொத்தம் ஒன்பது படிப்புகள் தொடங்கப்பட்டுள்ளன.

இந்த ஒத்துழைப்பின் ஒரு பகுதியாக, ஐ.ஐ.டி மெட்ராஸ் இப்போது செயற்கை நுண்ணறிவு, அப்ளைடு டேட்டா சயின்ஸ், பேக்கண்ட் டெவலப்மென்ட் (ஜாவா ஸ்பிரிங் பூட்), சைபர் செக்யூரிட்டி அனலிஸ்ட், ஆண்ட்ராய்டு அப்ளிகேஷன் டெவலப்மென்ட் (கோட்லின்) மற்றும் ஆண்ட்ராய்டு அப்ளிகேஷன் டெவலப்மென்ட் (பிளட்டர்) உள்ளிட்ட பல படிப்புகளை வழங்கும்.

இந்தப் படிப்புகள் அனைத்தும் நேஷனல் கிரெடிட் ஃபிரேம்வொர்க் நிலை 5 மற்றும் 5.5 உடன் சீரமைக்கப்பட்டு, திட்ட அடிப்படையிலான கற்றல் வாய்ப்புகளை மாணவர்களுக்கு வழங்குகின்றன, மேலும் மாணவர்கள் கிரெட்டிட் பெற தகுதியுடையவர்களாக ஆக்குகின்றன.

ஐ.ஐ.டி மெட்ராஸால் இயக்கப்படும் ஸ்வயம் பிளஸ் இயங்குதளம், ஆற்றல், உற்பத்தி, கணினி அறிவியல் மற்றும் பொறியியல், ஐ.டி அல்லது ஐ.டி.இ.எஸ், மேலாண்மை ஆய்வுகள் மற்றும் சுகாதாரம் போன்ற முக்கியமான துறைகளில் படிப்புகளை வழங்கும்.

“தேசிய கல்விக் கொள்கை அறிமுகப்படுத்தப்பட்டுள்ளது, முதல் முறையாக, UGC, மதிப்பிற்குரிய கல்வித் துறைகள் மற்றும் IIT மெட்ராஸ் போன்ற மதிப்புமிக்க நிறுவனங்களுடன் கூட்டு சேர்ந்து, புகழ்பெற்ற தொழில்துறை நிறுவனங்கள் தங்கள் சொந்த அகாடமியுடன் வரவுள்ளன. இந்தப் படிப்புகள் அனைத்திற்கு அங்கீகாரம் வழங்கப்படும்” என்று மத்திய கல்வி மற்றும் திறன் மேம்பாடு & தொழில் முனைவோர் அமைச்சர் தர்மேந்திர பிரதான் தெரிவித்தார்.