வெயில் காலத்துல நெய் பயன்படுத்துவதால் ஏற்படுத்தும் நன்மைகள் !

ஆயுர்வேதத்தின் படி நெய் புத்துணர்ச்சியூட்டும் பண்புகளை கொண்டவை. நெய் நமது உடலில் ஒட்டுமொத்த ஆரோக்கியத்தில் சாதகமான நன்மையை உண்டு செய்கிறது. உடல் சூட்டை குறைக்க நெய் சிறந்த வீட்டு வைத்தியம் என்கிறது ஆயுர்வேதம் இது பித்தத்தையும் தணிக்கிறது. அதனால் குளிர்காலம் கோடைக்காலம் என எல்லா காலங்களிலும் இதை எடுத்துகொள்ளலாம். கோடைகாலங்களில் இவை இன்னும் சேர்க்கலாம்.

பசு நெய்யில் கொழுப்பு சதவீதம் 99 முதல் 99.5% ஈரப்பதத்துடன் உள்ளது. கரோட்டின் 3.2 முதல் 7.4 மிகி / கிராம் வரை உள்ளது. வைட்டமின் ஏ 19 முதல் 34 IU/g, கொழுப்பு 302 முதல் 362 mg/100g, டோகோபெரோல் 26 முதல் 48 mg/g மற்றும் கொழுப்பு அமிலம் வெறும் 2.8% அளவு உள்ளது. நெய்யில் ஒமேகா 3 கொழுப்பு அமிலங்கள் மற்றும் வைட்டமின்கள் ஏ மற்றும் சி போன்றவையும் உண்டு. நெய் உடலில் உறுப்புகளின் செயல்பாட்டை ஊக்குவிக்கிறது.

உடலுக்கு ஆரோக்கியமான கொழுப்புகள் அளிக்க நெய் உதவும்

உயிரணுவின் ஆரோக்கியமான வளர்ச்சிக்கும் உடலுக்கு ஆரோக்கியம் அளிக்கவும் கொழுப்புகள் மற்றும் ஆற்றல் தேவை. ஆரோக்கியமான கொழுப்புகள் உடலில் ஊட்டச்சத்துக்களை உறிஞ்ச உதவுகின்றன. ஹார்மோன் உற்பத்தியில் முக்கிய பங்கு வகிக்கின்றன. இதில் இருக்கும் அமினோ அமிலங்கள் அத்தியாவசியமானவை. இவை கொழுப்பை திரட்டவும் கொழுப்பு செல் அளவை குறைக்கவும் உதவுகின்றன. இதில் லினோலிக் அமிலம் உள்ளது. இதில் உள்ள ஒமேகா 6 கொழுப்பு அமிலம் உட்கொள்ளும் போது எடை இழப்புக்கு உதவுகிறது. மேலும் எடை மெலிவு இருப்பவர்க்ளுக்கு ஆரோக்கிய எடையை ஊக்குவிக்கிறது.

நெய் உடலில் நோய் எதிர்ப்பு சக்தியை அளிக்க செய்யும்

உடலில் அழற்சியை தடுக்கிறது. உடலில் நோய் எதிர்ப்பு சக்தியை வலுப்படுத்துகிறது. உடலில் தொற்று நோய்களிலிருந்து வெளியேற்றுகிறது. நெய்யில் இருக்கும் பியூட்ரிக் அமிலமானது குறுகிய கால கொழுப்பு அமிலம் ஆகும். இவை நோயெதிர்ப்பு மண்டலத்தை மேம்படுத்த உதவுகிறது. இதில் இருக்கும் வைட்டமின் ஏ மற்றும் சி நோய் எதிர்ப்பு சக்தியை அதிகரிப்பதில் முக்கிய பங்கு வகிக்கிறது.

நெய் செரிமானத்தை மேம்படுத்துவதால் கோடையில் சேர்க்கலாம்

நெய் செரிமானத்தை மேம்படுத்துகிறது. வெறும் வயிற்றில் நெய் சேர்ப்பது செரிமானத்தை மேம்படுத்தும். உடலில் பித்த தோஷத்தை கட்டுப்படுத்த செய்யும். இது சக்தி வாய்ந்த பூஞ்சை காளான் மற்றும் ஆன்டி வைரல் பண்புகளை கொண்டுள்ளது. நோயை தவிர்க்க உதவுகிறது. ஆயுர்வேதத்தின் படி உடலின் செரிமானத்தை மேம்படுத்தவும், ஊட்டச்சத்துக்களை உறிஞ்சுவதற்கும் உதவும் உணவுகளில் நெய் சிறந்த ஒன்றாக இருக்கும். இது செரிமானத்தை மேம்படுத்துவது முதல் வீக்கம் தடுப்பது வரை பல நன்மைகளை கொண்டுள்ளது. எடை குறைக்க மேலும் உதவும். ஆயுர்வேதம் நெய்யை உடலின் செரிமானத்துக்கு சிறந்த ஒன்றாக சொல்கிறது.

நெய் உடலை குளிர்ச்சியாக வைத்திருக்க உதவும்

நெய்யை உட்கொள்வது மனதையும் உடலையும் குளிர்ச்சியாகவும் வைத்திருக்க செய்யும். நெய் அழற்சியை குறைக்கவும் செய்யும். உடலுக்கு அமைதியான விளைவை அளிக்க செய்யும். இது சுவையில் இனிமையானது. இயற்கையில் குளிர்ச்சியானது. வெப்பமான தன்மை கொண்டது. கோடை காலத்துக்கு ஏற்றது. நெய் கோடைக்காலத்தில் எடுத்துகொள்வது உடலையும் மனதையும் குளிர்ச்சியாக வைத்திருக்க செய்யும். இயற்கையாக குளிர்ச்சியான தன்மை கொண்ட நெய் இனி கோடையில் தினமும் சேர்த்து கொள்வது நன்மையே என்பதால் தினமும் சாப்பிடுங்கள்.

கோடையில் மலச்சிக்கல் எதிர்கொள்ளும் அபாயம் இருப்பவர்கள் வெதுவெதுப்பான பாலில் நெய் சேர்த்து குடித்து வருவது மலச்சிக்கலை தடுக்கும். தினமும் இரவு தூங்கும் போது குடித்து வரலாம். இது குடலை எளிதாக்குகிறது. எடை குறைவதை துரிதப்படுத்துகிறது.

உணவுகளுடன் நெய் சேர்க்கலாம். காய்கறிகள், தோசை போன்றவற்றுடன் சேர்த்துகொள்ளலாம். கடுமையான டயட்டில் இருப்பவர்கள் கூட ஒரு டீஸ்பூன் நெய் சேர்ப்பது கொழுப்பு செல்களை சுருக்கி கொழுப்பு திரட்சியை உடைக்க செய்கிறது.

ஸ்மூத்தி, டீடாக்ஸ் பானங்கள் போன்றவற்றுடனும் இதை சேர்த்து எடுக்கலாம். வேர்க்கடலை எண்ணெய்க்கு மாற்றாக புரத ஸ்மூத்திகளில் ஒரு டீஸ்பூன் நெய் சேர்ப்பதன் மூலம் அதே அளவு நன்மை கிடைக்கும்.