ஐயப்ப பக்தர்கள் சென்ற கார், வேன் மோதல்…!

விருதுநகர் மாவட்டம், சாத்தூர் அருகே ஆந்திரா மாநிலத்தைச் சேர்ந்த ஐயப்ப பக்தர்கள் 15 பக்தர்களுடன் ஒரு வேன் சாத்தூர்- கோவில்பட்டி நான்கு வழி சாலையில் கன்னியாகுமரிக்கு சென்று கொண்டிருந்தது. அப்போது எதிரே ஆந்திர மாநிலம் நெல்லூர் பகுதியை சேர்ந்த கார் சபரிமலை சென்று சாமி தரிசனம் முடித்து விட்டு கோவில்பட்டியில் இருந்து சாத்தூர் நோக்கி வந்து கொண்டிருந்தது. இந்த நிலையில் சாத்தூர் சாய்பாபா கோவில் அருகே தேசிய நெடுஞ்சாலையில் திடீரென கார் கட்டுப்பாட்டை இழந்து சென்டர் மீடியேட்டர் மீது மோதி உருண்டு எதிரே வந்த வேன் மீது மோதிய விபத்தில் வேனில் பயணம் செய்த வேன் ஓட்டுனரான சீனிவாசராவ், அணில், சாய், சந்தீப், உள்ளிட்ட 6பேரும் காரில் பயணம் செய்த பிரசாந்த், முரளி கிருஷ்ணா, வெங்கடேஷ் உள்ளிட்ட ஏழு பேரும் என மொத்தம் 13-பேர் காயமடைந்தனர்.

இந்த விபத்து குறித்து தகவல் அறிந்த சாத்தூர் தாலுகா போலீசார் சம்பவ இடத்திற்கு விரைந்து சென்று காயம் அடைந்தவர்களை மீட்டு ஆம்புலன்ஸ் மூலம் சாத்தூர் அரசு மருத்துவமனைக்கு சிகிச்சைக்காக அனுப்பி வைத்தனர். காயமடைந்த 13 பேரும் அரசு மருத்துவமனையில் சிகிச்சை பெற்று வருகின்றனர். விபத்து குறித்து சாத்தூர் தாலுகா போலீசார் வழக்கு பதிவு செய்து விசாரணை நடத்தி வருகின்றனர்.