மார்ச் 20ம் தேதி முதல் கோடை மழைக்கு வாய்ப்பு!

தமிழகத்தில் ஒரு சில இடங்களில் அதிக பட்ச வெப்ப நிலை வழக்கத்தை விட 2 முதல் 3 டிகிரி செல்சியஸ் வரைஅதிகமாக இருக்கக் கூடும். மார்ச் 20 முதல் 22-ம் தேதி வரை தமிழகத்தில் ஓரிரு இடங்களில் லேசானது முதல்மிதமான மழை பெய்ய வாய்ப்புள்ளது என வானிலை ஆய்வு மையம் அறிவித்துள்ளது.

இது தொடர்பாக சென்னை வானிலை ஆய்வு மையம் வெளியிட்ட செய்திக் குறிப்பில், “ தமிழகம், புதுச்சேரி, காரைக்கால் பகுதிகளில் வரும் 19-ம் தேதி வரை வறண்ட வானிலை நிலவக் கூடும். மார்ச் 20 முதல் 22-ம் தேதிவரை தமிழகத்தில் ஓரிரு இடங்களில் லேசானது முதல் மிதமான மழை பெய்ய வாய்ப்புள்ளது. 23ம் தேதி தமிழகம், புதுச்சேரி, காரைக்கால் பகுதிகளில் வறண்ட வானிலை நிலவக் கூடும்

தமிழகத்தில் ஒரு சில இடங்களில் இன்றும், நாளையும் அதிக பட்ச வெப்ப நிலை வழக்கத்தை விட 2 முதல் 3 டிகிரிசெல்சியஸ் வரை அதிகமாக இருக்கக் கூடும். அதிக வெப்பநிலை மற்றும் அதிக ஈரப்பதம் இருக்குபோது ஓரிருஇடங்களில் அசௌகரியம் ஏற்படலாம்.

சென்னை மற்றும் புறநகர் பகுதிகளில் அடுத்த 48 மணி நேரத்துக்கு வானம் ஓரளவு மேக மூட்டத்துடன் காணப்படும். அதிக பட்ச வெப்ப நிலை 33-34 டிகிரி செல்சியஸை ஒட்டியும், குறைந்த பட்ச வெப்ப நிலை 25-26 டிகிரிசெல்சியஸ் அளவை ஒட்டியும் இருக்கக் கூடும்” என்று அந்த செய்திக் குறிப்பில் கூறப்பட்டுள்ளது.