கட்சியின் பெயரை அறிவிக்கும் விஜய் ?!

நடிகர் விஜய் மக்களுக்கு தொடர்ந்து நலத்திட்ட உதவிகளை செய்து வருகிறார்.

விஜய் மக்கள் இயக்கம் :

நடிகர் விஜய் மக்கள் இயக்கம் மூலம் விழியகம், பயிலகம், நூலகம் என பல்வேறு திட்டங்கள் ஒவ்வொரு மாவட்டத்திலும் செயல்பட்டு வருகின்றன. சமீபத்தில் சென்னையில், நெல்லை, தூத்துக்குடி மாவட்டங்களில் மழையால் கடுமையான பாதிப்பு ஏற்பட்டது. இந்நிலையில் சென்னையில் பாதிக்கப்பட்ட மக்களுக்கு நடிகர் விஜய் மக்கள் இயக்கத்தின் மூலமாக மருத்துவ முகாம் மற்றும் உணவுகள் வழங்கப்பட்டன.

நடிகர் விஜய் :

இதுமட்டுமல்லாமல் நடிகர் விஜய் நெல்லை மற்றும் தூத்துக்குடி மாவட்டங்களுக்கு நேரில் சென்று மக்களுக்கு உதவிகளை வழங்கினார். இது நெல்லை மற்றும் தூத்துக்குடி மக்களிடையே வரவேற்பை பெற்றது. மேலும் தொடர்ந்து மக்கள் இயக்கத்தின் மூலம் பல்வேறு செயல்பாடுகளில் தீவிரமாக இறங்கி உள்ளார்.

ஆலோசனை :

சமீபத்தில் சென்னையில் இயக்கத்தின் முக்கிய நிர்வாகிகளுடன் ஆலோசனையானது நடைபெற்றது. அதில் கட்சியை பதிவு செய்ய வேண்டும் எனவும், கட்சியின் தலைவராக விஜய் தேர்ந்தெடுக்கப்பட்டதாகவும் தகவல் வெளியானது. இதனைத்தொடர்ந்து விஜய் மக்கள் இயக்கத்தின் நிர்வாகிகள் டெல்லி சென்று கட்சியாக பதிவு செய்யும் நடவடிக்கைகளில் இறங்கி உள்ளதாக தெரிகிறது.

தமிழக முன்னேற்ற கழகம் :

இந்நிலையில் இந்த கூட்டத்தில் கட்சியின் பெயர் விவாதிக்கப்பட்டதாகவும், 3 பெயர்கள் பரிசீலனையில் உள்ளதாகவும் தகவல் வெளியாகி வந்த வண்ணம் உள்ளன. இதில் தமிழக முன்னேற்ற கழகம் என்ற பெயரை தேர்வு செய்துள்ளதாகவும் தொடர்ந்து இணையதளங்களில் தகவல்கள் வெளியான வண்ணம் இருந்தன.

நடிகர் விஜய் அதிருப்தி :

இந்நிலையில் தொடர்ந்து கட்சியின் விவரங்கள் மற்றும் சின்னங்கள் வெளியாகி வருவதால் நடிகர் விஜய் நிர்வாகிகள் மீது அதிருப்தியில் இருப்பதாக கூறப்படுகிறது. மேலும் முக்கிய நிர்வாகிகளுக்கு அரசியல் கட்சி பணிகளை ரகசியமாக செய்ய முக்கிய நிர்வாகிகளுக்கு உத்தரவிட்டிருப்பதாக கூறப்படுகிறது.