சென்னை சேப்பாக்கத்தில் இந்தியா, தென் ஆப்பிரிக்க மகளிர் அணிகள் மோதும் போட்டிக்கு அனுமதி இலவசம் !

சென்னை சேப்பாக்கம் மைதானத்தில் ஜூன் 28ம் தேதி முதல் 1ம் தேதி வரை நடைபெறவுள்ள இந்தியா – தென்னாப்பிரிக்கா இடையேயான மகளிர் டெஸ்ட் போட்டியை பார்க்க அனுமதி இலவசம் என தமிழ்நாடு கிரிக்கெட் சங்கம் அறிவிப்பு.

தென் ஆப்பிரிக்க மகளிர் அணி இந்தியாவில் சுற்றுப்பயணம் மேற்கொண்டு விளையாடி வருகிறது. இதில் அட்டவணையின்படி ஒரே ஒரு டெஸ்ட் போட்டி சென்னை சேப்பாக்கம் மைதானத்தில் வரும் ஜூன் 28ம் தேதி முதல் 1ம் தேதி நடைபெற இருக்கிறது. இந்த போட்டியை ரசிகர்கள் கட்டணம் இல்லாமல் இலவசமாக நேரில் கண்டு களிக்கலாம் என்று தமிழ்நாடு கிரிக்கெட் சங்கம் அறிவித்திருக்கிறது.

இதேபோல், ஜூலை 5, 7, 9 ஆகிய தேதிகளில் நடைபெறும் டி20 போட்டிகளுக்கான டிக்கெட்-ஐ, ஜூன் 29ம் தேதி PAYTM insider இணையத்தில் பெறலாம் எனவும் அறிவிப்பு. இந்த டிக்கெட் விலை ₹150 என நிர்ணயம் செய்யப்பட்டுள்ளது. இது கிரிக்கெட் ரசிகர்களிடையே வரவேற்பை பெற்றுள்ளது.