லாராவுக்கு அளித்த வாக்குறுதியை காப்பாற்றினோம். ஆப்கன் கேப்டன் ரஷித்கான் நெகிழ்ச்சி !

நேற்று நடைபெற்ற வங்கதேச அணி எதிரான ஆட்டத்தில் ஆப்கானிஸ்தான் சார்பில் ரஷித் கான் மற்றும் நவீன் உல் ஹக் ஆகியோர் தலா 4 விக்கெட் வீழ்த்தினர். ரஷித் கான் (rashid khan) 4 ஓவரில் 23 ரன்கள் கொடுத்து 4 விக்கெட் வீழ்த்தினார்

இந்நிலையில், சர்வதேச டி20 போட்டிகளில் அதிக முறை 4 விக்கெட் வீழ்த்தியவர் என்ற சாதனையை ரஷித் கான் நிகழ்த்தி உள்ளார். மேலும் இது போன்று சர்வதேச டி20 போட்டிகளில் ரஷித் கான் (rashid khan) நிகழ்த்தி உள்ளார்.

குறிப்பாக சர்வதேச டி20 போட்டிகளில் ரஷித் கான் இதுவரை 9 முறை 4 விக்கெட் வீழ்த்தி உள்ளார். நிகழ்த்தி உள்ளார்.இந்தப் பட்டியலில் வங்காளதேசத்தின் ஷகிப் அல் ஹசன் 2வது இடத்திலும் (8 முறை), உகாண்டா வீரர் ஹென்றி சென்யாண்டோ 3வது இடத்திலும் (7 முறை) உள்ளனர்.

இந்த நிலையில்,“டி20 உலக கோப்பை அரையிறுதியில் விளையாடுவது என்பது எங்களுக்கு கனவு போன்றது என்று ஆப்கானிஸ்தான் கிரிக்கெட் அணி கேப்டன் ரஷித் கான் நெகிழ்ச்சி தெரிவித்துள்ளார்.

இது குறித்து அவர் தெரிவித்துள்ளதாவது: டி20 உலக கோப்பை அரையிறுதியில் விளையாடுவது என்பது எங்களுக்கு கனவு போன்றது. இந்த தொடரை நாங்கள் தொடங்கிய விதம்தான் இவை அனைத்துக்கும் காரணம். நியூசிலாந்தை நாங்கள் வீழ்த்தியபோது எங்களுக்கு நம்பிக்கை கிடைத்தது.

இது குறித்து விவரிக்க என்னிடம் வார்த்தைகள் இல்லை. இந்த சாதனையை எண்ணி எங்கள் நாட்டு மக்கள் நிச்சயம் மகிழ்ச்சியில் இருப்பார்கள்.

நாங்கள் அரையிறுதிக்கு முன்னேறுவோம் என தெரிவித்த ஒரே நபர் பிரையன் லாரா மட்டும்தான். இந்த தொடர் தொடங்குவதற்கு முன்பு உங்கள் சொல்லை நாங்கள் நிச்சயம் காப்போம் என அவருக்கு உறுதி அளித்திருந்தேன்.

இது எங்களுக்கு பெரிய சாதனைதான். இப்போது அரையிறுதியில் விளையாடுகிறோம். இதில் எங்களது திட்டங்கள் அனைத்தும் Simple-ஆக இருக்கும் என்று தெரிவித்துள்ளார்.