திருவள்ளுவர் தின வாழ்த்துக்களை தெரிவித்த முதல்வர் ஸ்டாலின்!

தமிழகம் முழுவதும் திருவள்ளுவர் தினம் இன்று கொண்டாடப்பட்டு வருகிறது. இதனையொட்டி தமிழக முதல்வர் மு.க.ஸ்டாலின் வாழ்த்துக்களைத் தெரிவித்துள்ளார்.

ஆண்டு தோறும் மாட்டுப்பொங்கல் அன்று, திருவள்ளுவர் தினம் கொண்டாடப்படுகிறது. இதனை உலகம் முழுவதும் உள்ள தமிழர்கள் கொண்டாடி வருகின்றனர். இந்த நாளில் உலகப் பொதுமறை தந்த வள்ளுவர் நினைவுகூறப்படுகிறார்.

தமிழக முதல்வர் மு.க.ஸ்டாலின் வெளியிட்டுள்ள வாழ்த்துச் செய்தியில்,” தமிழினத்தில் பிறந்து அமிழ் தமிழில் அறம் உரைத்து உலகம் முழுமைக்குமான நெறிகள் சொன்ன வான்புகழ் வள்ளுவர் நாள் வாழ்த்துகள். பிறப்பொக்கும் எல்லா உயிர்க்கும் என்ற சமூகநீதிக் கோட்பாட்டையும் – முயற்சி மட்டுமே வெற்றியைத் தரும் என்ற தன்னம்பிக்கை ஊக்கத்தையும் – அறன் எனப் பட்டதே இல்வாழ்க்கை என்ற கருத்தியலையும் வழிகாட்டியவர் வள்ளுவர் என்று பதிவிட்டுள்ளார்.