பாஜக சார்பில் நாளை தேர்தல் பிரச்சாரப் பொதுக்கூட்டம்!

மக்களவைத் தேர்தல் தேதி அறிவிக்கப்பட உள்ள நிலையில் தேசிய அளவில் கட்சிகள், கூட்டணி கட்சிகள்பேச்சுவார்த்தையில் ஈடுபட்டுள்ளன. மக்களவை தேர்தலில் போட்டியிடும் வேட்பாளர்களின் முதற்கட்ட பட்டியலைபாஜக வெளியிட்டுள்ளது.

இந்த நிலையில் சென்னையில் பாஜக சார்பில் நாளை தேர்தல் பிரச்சாரப் பொதுக்கூட்டம் நடைபெறுகிறது. இதற்காக பிரதமர் நரேந்திர மோடி நாளை பகல் 1.15 மணிக்கு மகாராஷ்ராவில் இருந்து விமானம் மூலம் புறப்பட்டு, சென்னைக்கு மதியம் 2.45 மணிக்கு வருகிறார்.

இதன் பின்னர் விமான நிலையத்தில் இருந்து ஹெலிகாப்டர் மூலம் புறப்பட்டு, கல்பாக்கம் ஹெலிகாப்டர் தளத்திற்குவருகிறார். பின்னர் அங்கிருந்து சாலை மார்க்கமாக சென்று மதியம் 3.30 முதல் மாலை 4.15 மணி வரை கல்பாக்கம்அணு உலை ரியாக்டர் மேம்பாடு (உற்பத்தி) திட்டத்தை பார்வையிடுகிறார்.

அதனைத்தொடர்ந்து மீண்டும் கல்பாக்கம் ஹெலிபேடு சென்று, அங்கிருந்து ஹெலிகாப்டர் மூலமாக மாலை 5 மணிக்கு மீண்டும் சென்னை விமான நிலைய ஹெலிகாப்டர் தளத்துக்கு வருகிறார். அங்கிருந்து சாலை மார்க்கமாகநந்தனம் பொதுக்கூட்டத் திடலுக்கு மாலை 5.10 மணிக்கு வருகிறார்.

இதன் பின் மாலை 6.15 மணி வரை பொதுக்கூட்டத்தில் பங்கேற்கும் பிரதமர் நரேந்திர மோடி, மாலை 6.20 மணிக்கு அங்கிருந்து புறப்பட்டு சாலை மார்க்கமாக விமான நிலையம் செல்கிறார். மாலை 6.35 மணிக்குசென்னையில் இருந்து தெலங்கானா நோக்கி விமானத்தில் அவர் புறப்பட்டு செல்கிறார் என பயண விவரம் தயார்செய்யப்பட்டுள்ளது.