நீங்க இல்லாம வாழ முடியல… நடிகை விஜயலட்சுமி கதறல் !

நடிகை விஜயலட்சுமி சீமான்தான் தனது கணவர் என்றும் தனது கடைசி மூச்சு உள்ளவரை அவரையே தனது கணவராக நினைத்து வாழப்போவதாகவும் தெரிவித்துள்ளார்.

நடிகை விஜயலட்சுமி

நாம் தமிழர் கட்சியின் தலைமை ஒருங்கிணைப்பாளரா சீமான் தன்னை திருமணம் செய்துக்கொள்வதாக கூறி தன்னுடன் வாழ்ந்துவிட்டு தன்னை ஏமாற்றிவிட்டதாக கடந்த 2011 ஆம் ஆண்டு முதல் குற்றம்சாட்டி வருகிறார். சீமான் தன்னோடு நெருக்கமாக இருந்த போட்டோக்களையும் வீடியோக்களையும் வெளியிட்டு வந்தார் விஜயலட்சுமி.

சீமான் மீது புகார்

மேலும் சீமான் தன்னை ஏமாற்றிவிட்டதாக கூறி சென்னை காவல் ஆணையத்தில் கடந்த 2011 ஆம் ஆண்டு புகார் அளித்தார் விஜயலட்சுமி. ஆனால் அதன்பிறகு சீமான் தரப்பில் சமாதானம் பேசியதை தொடர்ந்து வழக்கை வாபஸ் பெற்றார். இந்நிலையில் கடந்த சில மாதங்களுக்கு முன்பு சீமான் மீது மீண்டும் புகார் அளித்த விஜயலட்சுமி, விசாரணை நடந்து கொண்டிருக்கும் போதே வழக்கை வாபஸ் பெற்றுவிட்டு பெங்களூருவுக்கு சென்றார்.

விஜயலட்சுமி வீடியோ

பெங்களூரூ சென்றது முதல் தொடர்ந்து வீடியோக்களை வெளியிட்டு வருகிறார் விஜயலட்சுமி. தான் தற்கொலை செய்து கொள்ள போவதாக மிரட்டி வரும் விஜயலட்சுமி, தான் இறந்தால் சீமானை சும்மாவிடக்கூடாது எனவும் ஆவேசமாக கூறி வருகிறார். அதில் சீமான் மற்றும் நாம் தமிழர் கட்சி நிர்வாகிகளை கடுமையாக விமர்சனம் செய்து வருகிறார். அந்த வகையில் சமீபத்தில் வீடியோ வெளியிட்ட விஜயலட்சுமி, மீண்டும் சீமான் மீது புகார் அளிக்க உள்ளதாக கூறினார்.

மேலும் நடிகை கஸ்தூரியையும் விளாசினார் விஜயலட்சுமி. இந்நிலையி நடிகை விஜயலட்சுமி, புதிய வீடியோ ஒன்றை வெளியிட்டுள்ளார். அதில் அவர் பேசியிருப்பதாவது, பெங்களூரில் உள்ள உயரமான கட்டடத்தின் உச்சியில் நின்று கொண்டிருக்கிறேன். மீடியாக்கள் இந்த வீடியோவை என் கணவரான சீமான் பார்க்கும் வரை ஒளிபரப்புங்கள் என மன்றாடி கேட்கிறேன். சீமான் மாமா பெங்களூரில் நான் ரொம்ப கஷ்டப்பட்டுக் கொண்டிருக்கிறேன்.

நீங்க இல்லாம வாழ முடியல

நான் உங்கக்கிட்ட ஆயிரம் சண்டை போட்டாலும் உங்க மேல எவ்வளவு அன்பு வைத்துள்ளேன் என்பது உங்களுக்கு தெரியும். 14 வருஷமா நீங்கதான் என் கணவர் என்று நினைத்துதான் வாழ்ந்து கொண்டிருக்கிறேன். உங்கக்கிட்டேயும் நான் சொன்னேன், என் கடைசி மூச்சு உள்ள வரை நீங்கள்தான் என் கணவர் என வாழ்வேன் என்று. எதுக்கு எனக்கு இந்த தண்டனை? என்னால உங்களை பிரிந்து வாழ முடியவில்லை.

நான் கள்ளக்காதலி இல்லை

தயவு செஞ்சு என்கிட்ட பேசுங்க. இந்த கோர்ட், கேஸு, சண்டை, சச்சரவெல்லாம் தேவையில்லை. நான் ஒன்றும் உங்களின் கள்ளக்காதலி கிடையாது நீங்கள் யாருக்கும் பயப்பட வேண்டியது இல்லை. பின்னாடி வந்தவங்களுக்கே இவ்ளோ பொஸஸிவ்னஸ் இருக்குன்னா, 2008ல் இருந்து நீங்கள்தான் என் உயிர் என்று வாழ்ந்துட்டு இருக்கும் எனக்கு எவ்ளோ பொஸஸிவ்னஸ் இருக்கும். அது ஒன்றும் தப்பு கிடையாது.

என் கணவர் சீமானை சேர்த்து வையுங்க

நான் இங்கே இருநது குதிச்சா, தமிழ்நாட்டு மக்கள் உங்களை சும்மாவிட்டுறுவாங்களா? அப்புறம் உங்க நிலைமை என்னவாகும்? யாரை தண்டிக்க இப்படி பண்றீங்க மாமா? நீங்க இப்படி செய்தால் நான் வேற ஒருத்தர கல்யாணம் பண்ணிப்பேன்னு நினைக்கிறீங்களா கண்டிப்பா பண்ண மாட்டேன். போன வருஷம் சமாதானமா பேசுனீங்க, மதுரை செல்வம் பண்ணின தப்புக்கு நான் தண்டனை அனுபவிக்கனுமா. தமிழ்நாடு மீடியா என் கணவர் சீமானை என்னோடு சேர்த்து வையுங்க.. எனக்கு என் கணவர் வேண்டும்.. இவ்வாறு உருக்கமாக பேசியுள்ளார் விஜயலட்சுமி. விஜயலட்சுமியின் இந்த வீடியோ சமூக வலைதளங்களில் பெரும் வைரலாகி வருகிறது.