நான் எப்படி செத்தேன் என்பதை… விஜயலட்சுமி !

நாம் தமிழர் கட்சியின் தலைமை ஒருங்கிணைப்பாளரான சீமான் தன்னை ரகசியமாக திருமணம் செய்து குடும்பம் நடத்திவிட்டு ஏமாற்றியதாக தொடர்ந்து புகார் தெரிவித்து வருகிறார் நடிகை விஜயலட்சுமி.

கடந்த மாதம் வெளியிட்ட வீடியோவில் மொட்டை மாடியில் நின்று கொண்டு கோரிக்கை விடுத்தார் விஜயலட்சுமி. சீமான் மாமா, நான் உங்கள் மனைவி, கள்ளக் காதலி அல்ல. நீங்கள் இல்லாமல் என்னால் வாழ முடியாது. உங்கள் மனதில் நான் தான் இருக்கிறேன். நான் சாகப் போகிறேன். சீமானை என்னிடம் பேசச் சொல்லுங்கள் என அந்த வீடியோவில் தெரிவித்தார் விஜயலட்சுமி.

இந்நிலையில் மீண்டும் ஒரு வீடியோ வெளியிட்டுள்ளார். இந்த வீடியோ தான் கடைசி என்றும், அடுத்து தன் மரண செய்தி தான் வரும் என்றும் கூறியிருக்கிறார் விஜயலட்சுமி.

மார்ச் 5ம் தேதி வெளியிட்ட அந்த வீடியோவில் விஜயலட்சுமி கூறியிருப்பதாவது,

இது தான் கடைசி வீடியோ தமிழ்நாட்டுக்கு. இன்னும் இரண்டு நாட்கள் கழித்து நான் எப்படி செத்தேன் என்பதை கர்நாடகா உங்களுக்கு தெரியப்படுத்துவாங்க. கர்நாடகாவுக்கு எல்லாம் விளக்கிட்டு, ஜக்கேஷ் என்கிற நடிகருடன் என்னை சேர்த்து வைத்து பேசி, என்னை ரொம்ப கொச்சைப்படுத்தி பேசி, ரொம்ப மன அழுத்தம் கொடுத்து, கர்நாடகாவில் பிறந்தேன் என்பதற்காக என்னை ரொம்ப டார்ச்சர் செய்து அனுப்பி வைத்தார். அதனால் தான் இந்த முடிவு எடுத்திருக்கிறேன்.

நான் என் உயிரை முடிச்சுட்டு, அந்த நியூஸை அஃபிஷியலா கர்நாடகா உங்களுக்கு கொடுப்பாங்க. அப்புறமாக கர்நாடகாவில் இருந்து சீமானுக்கு அழைப்பு வரும். என் மரணத்திற்கு பதில் அளிக்குமாறு கேட்பார்கள். வந்து கொடுக்கச் சொல்லுங்கள். இது தான் கடைசி வீடியோ. தமிழ்நாடு மீடியாவுக்கு, தமிழ்நாடு மக்களுக்கு எல்லோருக்கும் சொல்லிக்கிறேன். என் மரணம் உங்கள் எல்லோர் மனதிலும் சீமான், நாம் தமிழர் கட்சி என்னனு புரிய வச்சுடும். அதுக்கு அப்புறம் அந்த மாதிரி ஒருத்தன் தமிழ்நாட்டுக்கு வேண்டுமா, வேண்டாமானு நீங்களே முடிவு பண்ணிக்கோங்க என தெரிவித்துள்ளார்.

விஜயலட்சுமி கூறியிருக்கும் நாள் இன்று தான். வீடியோவில் சொன்னபடி அவர் ஏதாவது தவறான முடிவை எடுத்துவிடாமல் யாராவது தடுக்க வேண்டும். இவர் என்ன நான் சாகப் போகிறேன் என அடிக்கடி சொல்கிறார். விஜயலட்சுமிக்கு கவுன்சிலிங் தேவை. அவர் எந்த தவறான முடிவையும் எடுக்கக் கூடாது என சமூக வலைதளவாசிகள் தெரிவித்துள்ளனர்.

தன் அக்காவுக்கு பிரச்சனை ஏற்பட்டபோது தான் சீமானை சந்தித்தாகவும், அப்பொழுது தான் பழக்கம் ஏற்பட்டு திருமணம் வரை சென்றதாகவும் விஜயலட்சுமி கூறியிருக்கிறார். தான் சீமானின் மனைவி என தொடர்ந்து கூறி வருகிறார் என்பது குறிப்பிடத்தக்கது.