அவர்கள் பாசிச கட்சி என்றால் நீங்கள் என்ன பாயாச கட்சியா ?- திமுகவை கடுமையாக விமர்சித்த விஜய் !

நடிகர் விஜய்யின் தமிழக வெற்றிக் கழகத்தின் [தவெக] முதல் அரசியல் மாநாடு இன்று விக்ரவாண்டியில் வைத்து நடைபெறுகிறது. பிரமாண்டமான முறையில் நடக்கும் இந்த மாநாட்டுக்கு தமிழ்நாடு தமிழகம் முழுவதும் இருந்து மக்கள் வருகை தந்துள்ளனர். தமிழ்த்தாய் வாழ்த்து மற்றும் கட்சி கொள்கை பாடலுடன் மாநாடு தற்போது தொடங்கி நடந்துவருகிறது. மேடையில் விஜய் அமர்ந்திருக்க கட்சியினர் உரையாற்றி வருகின்றனர். அதன்படி மேடையில் உரையாற்றிவரும் கட்சி பிரமுகர்கள் தவெகவின் கொள்கைகளை எடுத்துரைத்து வருகிறார். அதன்படி, வள்ளுவர் கூறிய பிறப்பொக்கும் எல்லா உயிர்க்கும் என்பதே கட்சியின் முதல் கொள்கை.

கட்சி கொள்கைகளை எடுத்துரைத்த விஜய் ஆளும் கட்சிகளான பாஜக திமுகவை பகிரங்கமாக விமர்சித்தார். திராவிட மாடல் என்று சொல்லி மக்களை ஏமாற்றுகிறார்கள் என்றும்.. அவர்கள் பாசிச கட்சி என்றால் நீங்கள் என்ன பாயாச கட்சியா ? என்று திமுகவை கடுமையாக விமர்சித்தார்.

திமுக, பாஜக என இரண்டு கட்சிகளுமே தனது கொள்கைகளுக்கு எதிரிகள்தான் என்றும் அவர் தெரிவித்தார்.