‘அனைவருக்கும் அக்டோபர் 19 அன்று விருந்து’… ‘லியோ’ போஸ்டரால் பரபரப்பு!

’கீப் காம் அண்ட் பிரிப்பேர் பார் பேட்டில்’ என்ற வாசகங்களுடன் வெளியாகியுள்ள ‘லியோ’ பட போஸ்டர் நடிகர் விஜய் ரசிகர்களிடையே வரவேற்பை பெற்று வருகிறது.

நடிகர் விஜய் நடிப்பில் இயக்குனர் லோகேஷ் கனகராஜ் இயக்கத்தில் தயாராகி வரும் ‘லியோ’ படம் விரைவில் திரையரங்குகளில் வெளியிடப்பட உள்ளது. விஜய் கேரியரில் மிக அதிக பொருட்செலவில் உருவாகி வரும் இத்திரைப்படம், ரசிகர்களிடையே பெரும் எதிர்பார்ப்பை ஏற்படுத்தியுள்ளது.

லோகி யுனிவர்சின் ஒரு பகுதியாக இந்த படம் இருக்குமா என்ற எதிர்பார்ப்பு அதிகம் உள்ள நிலையில், படக்குழு புரொமோஷன் வேலைகளில் தீவிரமாக ஈடுபட்டு வருகிறது. குறிப்பாக விஜய் ரசிகர்களைக் குஷிப்படுத்தும் வகையில் ஒரு மாதம் முழுவதும் புரொமோஷன் பணிகளில் ஈடுபட படக்குழு முடிவு செய்துள்ளதாக தகவல்கள் வெளியாகி வருகிறது.

இந்நிலையில் தயாரிப்பு நிறுவனமான செவன் ஸ்கிரீன் ஸ்டுடியோ தனது எக்ஸ் தள பக்கத்தில் மாலை 6 மணியளவில் தமிழ் போஸ்டர் வெளியாகும் என அறிவித்திருந்தது.

இதையடுத்து மாலை 6 மணியளவில் ’கீப் காம் அண்ட் பிரிப்பேர் பார் பேட்டில்’ என்ற வாசகங்களுடன் ‘லியோ’ பட போஸ்டர் வெளியாகியுள்ளது. ‘மிளக தட்டி முட்டி.. என்ன குக் பண்றீங்க ப்ரோ என்று கேட்ட அனைவருக்கும் அக்டோபர் 19 அன்று விருந்து’ என பதிவிட்டு போஸ்டரை தயாரிப்பு நிறுவனம் வெளியிட்டுள்ளது.

இதனை இயக்குனர் லோகேஷ் கனகராஜ், நடிகர் விஜய் ஆகியோரும் எக்ஸ் தளத்தில் தங்களது பக்கங்களில் பதிவிட்டுள்ளனர். இதனை ரீட்விட் செய்தும், சமூக வலைதளங்களில் பகிர்ந்தும் விஜய் ரசிகள் கொண்டாடி வருகின்றனர்.