திருப்பத்தூர் சாலைவிபத்து.! உயிரிழந்தவர்களின் குடும்பத்தினருக்கு முதல்வர் மு.க.ஸ்டாலின் நிதியுதவி.!

திருப்பத்தூர் மாவட்டம் ஆம்பூரை அடுத்த ஓனங்குட்டை பகுதியில் இருந்து சுமார் 15க்கும் மேற்பட்டோர் வேனில் சுற்றுலாவுக்கு புறப்பட்டுள்ளனர். அப்போது வேன் சண்டியூர் அருகே பஞ்சராகி நின்றுள்ளது. உடனே சாலையில் நிறுத்தி ஓட்டுநர் பஞ்சர் பார்த்துள்ளார். வேனில் பயணித்தவர்கள் வேனுக்கு அருகே அமர்ந்து ஓய்வெடுத்துள்ளனர்.

அந்த நேரத்தில் அவ்வழியாக வந்த லாரி ஒன்று வேன் மீது மோதியது. இந்த கோர விபத்தில் சம்பவ இடத்திலேயே 7 பெண்கள் பரிதாபமாக உயிரிழந்தனர். இந்த விபத்தில் 10க்கும் மேற்பட்டோர் படுகாயங்களுடன் அரசு மருத்துவமனையில் சேர்க்கப்பட்டுள்ளார். இந்த நிலையில் தமிழக முதல்வர் மு.க.ஸ்டாலின் குடும்பத்தினருக்கு ஆறுதல் கூறி நிதியுதவி அறிவித்துள்ளார்.

இது குறித்து வெளியான அறிக்கையில், “வேலூர் மாவட்டம், பேரணாம்பட்டை அடுத்த ஓணான்குட்டை கிராமத்தைச் சேர்ந்த 24 நபர்கள் கடந்த 8-9-2023 அன்று தனியார் சுற்றுலா மினி பேருந்து மூலம் பெங்களூருக்கு சுற்றுலா சென்றுவிட்டு இன்று (11-9-2023) சொந்த ஊர் திரும்பி வரும் பொழுது திருப்பத்தூர் மாவட்டம், நாட்றம்பள்ளி காவல் நிலைய எல்லைக்குட்பட்ட சண்டியூர் என்ற இடத்தில் வாகன பழுது காரணத்தினால் தேசிய நெடுஞ்சாலை சென்டர் மீடியன் ஓரத்தில் நிறுத்தி சரி செய்து கொண்டுருந்தனர்.”

“அப்போது இதில் பயணித்த அமர்ந்திருந்தனர். அப்போது பயணிகள் நிறுத்தப்பட்ட பின்னால் வந்த லாரி வாகனத்தின் முன் மினி பேருந்தின் மீது எதிர்பாராதவிதமாக மோதி ஏற்பட்ட விபத்தில் பழுதடைந்த வாகனத்தின் முன்னால் அமர்ந்திருந்த திருமதி. செல்வி (6T) சேட்டம்மாள், க/பெ.பழனி (வயது 55), திருமதி.மீரா, க/பெ.முனுசாமி (வயது 51), திருமதி.தேவகி, க/பெ.சண்முகம் (வயது 50), திருமதி.கலாவதி, க/பெ.குப்புசாமி (வயது 50), திருமதி.சாவித்ரி, க/பெ.குப்பன் (வயது 42), திருமதி.கீதாஞ்சலி, க/பெ.ரஞ்சித் (வயது 35) மற்றும் திருமதி.தெய்வானை, க/பெ.திலிப்குமார் (வயது 32) ஆகிய ஏழுபேரும் சம்பவ இடத்திலேயே உயிரிழந்தனர் என்ற துயரமான செய்தியினைக் கேட்டு மிகுந்த வேதனையடைந்தேன்.”

“உயிரிழந்தவர்களின் குடும்பத்தினருக்கும், அவர்களது உறவினருக்கும் எனது ஆழ்ந்த இரங்கலையும், ஆறுதலையும் தெரிவித்துக்கொள்வதோடு அவர்களது குடும்பத்தினருக்கு தலா ஒரு இலட்சம் ரூபாய் முதலமைச்சரின் பொது நிவாரண நிதியிலிருந்து வழங்கிட உத்தரவிட்டுள்ளேன். மேலும் இவ்விபத்தில் காயமடைந்து கிருஷ்ணகிரி அரசு மருத்துவக் கல்லூரி மருத்துவமனையில் சிகிச்சை பெற்று வருபவர்களுக்கு நிவாரணத் தொகையாக தலா ஐம்பதாயிரம் ரூபாய் வழங்கிடவும் அவர்களுக்குச் சிறப்பான சிகிச்சை அளிக்கவும் உத்தரவிட்டுள்ளேன்.” என்று தெரிவிக்கப்பட்டுள்ளது.