தேர்தலுக்கு தயாராகும் திமுக !

வரும் ஏப்ரல் அல்லது மே மாதத்தில் மக்களவை தேர்தல் நடைபெறவுள்ளது. இதற்காக திமுக தீவிரமாக தயாராகி வருகிறது. இந்நிலையில் தேர்தல் பணிக்குழு அமைத்து அக்கட்சி தலைமை சற்றுமுன் அறிவிப்பு வெளியிட்டுள்ளது. மொத்தம் மூன்று குழுக்கள் அமைக்கப்பட்டுள்ளன.

தலைவர்:

கனிமொழி கருணாநிதி

உறுப்பினர்கள்:

டி.கே.எஸ்.இளங்கோவன்
ஏ.கே.எஸ்.விஜயன்
அமைச்சர் பி.டி.ஆர்.பழனிவேல் தியாகராஜன்
அமைச்சர் டி.ஆர்.பி.ராஜா
கோவி.செழியன்
கே.ஆர்.என்.ராஜேஷ்குமார்
சி.வி.எம்.பி.எழிலரசன்
எம்.எம்.அப்துல்லா
மருத்துவர் எழிலன் நாகநாதன்
சென்னை மேயர் பிரியா

கழகப் பணிகளை ஒருங்கிணைக்கும் மற்றும் மேற்பார்வையிடும் குழு

அமைச்சர் கே.என்.நேரு
ஆர்.எஸ்.பாரதி
அமைச்சர் எ.வ.வேலு
அமைச்சர் தங்கம் தென்னரசு
அமைச்சர் உதயநிதி ஸ்டாலின்

தொகுதி உடன்பாடு குறித்து கூட்டணி கட்சிகள் உடன் பேச்சுவார்த்தை நடத்தும் குழு

தலைவர்

டி.ஆர்.பாலு

உறுப்பினர்கள்

கே.என்.நேரு
இ.பெரியசாமி
க.பொன்முடி
ஆ.ராசா
எம்.ஆர்.கே.பன்னீர்செல்வம்

துரைமுருகன் வெளியீடு

இதில் மக்களவை தேர்தலுக்கான கழகப் பணிகளை ஒருங்கிணைக்கவும், மேற்பார்வையிடவும் முதலமைச்சரும், திமுக தலைவருமான மு.க.ஸ்டாலின் குழுவை அமைத்துள்ளார். எஞ்சிய இரண்டு குழுக்களையும் அமைச்சரும், திமுக பொதுச் செயலாளருமான துரைமுருகன் அமைத்துள்ளார். கடந்த 2019 தேர்தலில் குழுவில் இடம்பிடித்த துரைமுருகன், இம்முறை எதிலும் இடம்பெறவில்லை என்பதை பார்க்க முடிகிறது.

பொன்முடிக்கு வாய்ப்பு

தேர்தல் தொடர்பான குழுக்களில் திமுக துணைப் பொதுச் செயலாளர் கனிமொழிக்கு முக்கியத்துவம் அளித்திருப்பதை பார்க்கலாம். பொன்முடியும் ஒரு குழுவில் இடம்பிடித்துள்ளார். வழக்கு விசாரணை, சிறை தண்டனை, மேல்முறையீடு என கடும் நெருக்கடியை பொன்முடி சந்தித்து வருகிறார். இந்த சூழலில் அவரது இறுக்கத்தை சற்றே குறைக்கும் வகையில் மக்களவை தேர்தல் தொடர்பான கழகப் பணிகளில் முக்கியத்துவம் அளிக்கப்பட்டிருக்கிறது.

இளம் தலைவர் மேயர் பிரியா

இந்நிலையில் தேர்தல் அறிக்கையை தயார் செய்யும் குழுவில் சென்னை மேயர் பிரியா இடம்பெற்றிருப்பது கவனம் பெற்றுள்ளது. இவரது குடும்பம் திமுக பாரம்பரியம் கொண்டது. தற்போது துடிப்புடன் செயல்படக் கூடிய இளம் மேயராக காணப்படுகிறார். சட்டமன்ற, நாடாளுமன்ற தேர்தல் அரசியலில் அனுபவம் இல்லை.

தேர்தல் அறிக்கை குழுவில் பிடிஆர்

இருப்பினும் இளம் அரசியல் தலைவராக வளர்த்தெடுக்கும் நோக்கில் மேயர் பிரியாவிற்கு தேர்தல் அறிக்கை தயார் செய்யும் குழுவில் இடம் அளிக்கப்பட்டுள்ளது. அதுவும் கனிமொழி தலைமையிலான குழுவில் பெண் ஒருவருக்கு இடமளிக்கப்பட்டிருக்கிறது. மேலும் உதயநிதி, சபரீசன் குறித்து சர்ச்சைக்குரிய வகையில் பேசிய அமைச்சர் பிடிஆர் பழனிவேல் தியாகராஜனின் துறை மாற்றப்பட்டு ஓரங்கட்டும் நடவடிக்கைகளை பார்க்க முடிந்தது.

கூட்டணி பேச்சுவார்த்தை

இந்த சூழலில் 2024 மக்களவை தேர்தலுக்கான அறிக்கை தயாரிக்கும் குழுவில் அவருக்கு வாய்ப்பு வழங்கப்பட்டுள்ளது. மேற்சொன்ன மூன்று குழுக்களில் முக்கியமானது கூட்டணி கட்சிகள் உடன் பேச்சுவார்த்தை நடத்தும் குழு. இவர்கள் தான் சீட் பேரத்தில் ஈடுபடுவர். இதில் சீனியர்களுக்கு வாய்ப்பு அளிக்கப்பட்டிருப்பதை பார்க்கலாம்.