எல்.முருகன் மீதான அவதூறு வழக்கை ரத்து செய்ய சென்னை உயர்நீதிமன்றம் மறுப்பு !

மத்திய இணையமைச்சர் எல்.முருகன் மீதான அவதூறு வழக்கை ரத்து செய்ய சென்னை உயர்நீதிமன்றம் மறுப்பு தெரிவித்தது. பஞ்சமி நிலம் குறித்து பேசியதாக முரசொலி அறக்கட்டளை சார்பில் தாக்கல் செய்யப்பட்ட அவதூறு வழக்கு ரத்து செய்ய எல்.முருகன் தரப்பில் கோரிக்கை வைக்கப்பட்டது.

இந்த நிலையில், அவதூறு வழக்கை ரத்து செய்யக் கோரி எல்.முருகன் தாக்கல் செய்த மனு தள்ளுபடி செய்து சென்னை உயர்நீதிமன்ற நீதிபதி ஆனந்த் வெங்கடேசன் உத்தரவிட்டார். அதுமட்டுமில்லாமல், மத்திய இணையமைச்சர் எல்.முருகனின் கோரிக்கையை நிராகரித்த உயர்நீதிமன்றம், அவதூறு வழக்கை 3 மாதங்களில் முடிக்க சிறப்பு நீதிமன்றத்துக்கு அணையிட்டுள்ளது.

கடந்த 2019-ம் ஆண்டில் வேலூரில் நடைபெற்ற கூட்டத்தில் அப்போதைய பாஜக மாநில தலைவர் எல்.முருகன், பஞ்சமி நிலம் குறித்து பேசியதாக முரசொலி அறக்கட்டளை சார்பில் அவர் அவர் மீது அவதூறு வழக்கு தொடரப்பட்டது. இந்த அவதூறு வழக்கை ரத்து செய்யக்கோரி, எல்.முருகன் சென்னை உயர்நீதிமன்றத்தில் மனுத் தாக்கல் செய்திருந்தார்.

இதனைத்தொடர்ந்து, இருதரப்பு வாதங்களையும் கேட்டறிந்த நீதிபதி, மனு மீதான தீர்ப்பை தேதி குறிப்பிடாமல் ஒத்திவைத்து உத்தரவிட்டார். இந்த நிலையில், எல்.முருகன் மீதான அவதூறு வழக்கை ரத்து செய்ய சென்னை உயர்நீதிமன்றம் மறுப்பு தெரிவித்து, வழக்கை 3 மாதங்களில் முடிக்க உத்தரவிட்டது.