Tag: KUSHBOO

திமுக ஆட்சியில் பெண்களுக்குப் பாதுகாப்பு இல்லை என்பது முதலமைச்சர் ஸ்டாலினுக்கே தெரியும் எனநடிகையும், தேசிய மகளிர் ஆணைய உறுப்பினருமான குஷ்பு பரபரப்பு கருத்தைத் தெரிவித்துள்ளார். ராமர் கோயில் கும்பாபிஷேகத்தை முன்னிட்டு கோயில்களை சுத்தம் செய்ய வேண்டும் என பிரதமர் மோடிகேட்டுக்கொண்டார். இதையடுத்து, பல தலைவர்கள் கோயில் தூய்மை செய்யும் பணியில் ஈடுபட்டு வருகின்றனர். இந்நிலையில், நடிகையும், தேசிய மகளிர் ஆணைய உறுப்பினருமான குஷ்பு இன்று சென்னை சிந்தாதிரிப்பேட்டையில் உள்ள ஆதிபுரீஸ்வரர் மற்றும் ஆதிகேசவ பெருமாள் கோயிலில் சுத்தப்படுத்தும் பணியைமேற்கொண்டார். முன்னதாக பெருமாள் சன்னதியில் சுவாமி தரிசனம் செய்துவிட்டு கோயில் வளாகத்தில் உள்ளகுப்பைகளை அகற்றி சுத்தம் செய்தார். பின்னர் செய்தியாளர்களைச் சந்தித்த குஷ்பு, ”கோயிலைச் சுத்தம் செய்வது புதிதல்ல. ஒவ்வொரு பகுதியிலும்கோயில்களைச் சுத்தம் செய்தால் நம்மைப் பார்த்து மற்றவர்களும் சுத்தம் செய்ய வருவார்கள். இன்றைக்கு நாட்டில்கோயில்களுக்காக இவ்வளவு கஷ்டப்படுகிறோம். நமது கலாசாரம், நமது பாரம்பரியம் கோயில்கள் தான். கோயில்களை சுத்தம் செய்யும் பணியை பிரதமர் மோடி துவக்கி வைத்தார். ஸ்வச் பாரத் ஏற்கெனவே இருக்கிறது. கோயிலில் பல இடங்களில் அசுத்தமாக இருக்கிறது. கோயிலைச் சுத்தமாகவைத்தால் நாம் கோயிலுக்குப் போகும்போது நிம்மதி கிடைக்கும். இது இன்றைக்கு இந்த ஒரு கோயிலுடன்நிற்கப்போவதில்லை. தொடர்ந்து தமிழ்நாடு முழுவதும் கோயில்களில் சுத்தம் செய்வோம்” என்றார். ராமர் கோயில் கும்பாபிஷேகத்தில் கலந்துகொள்வீர்களா என செய்தியாளர்கள் கேட்டபோது, “ராமர் கோயில்கும்பாபிஷேகத்தில் நான் பங்கேற்கவில்லை. இங்கு நிறைய வேலை இருக்கிறது” என்றார். தொடர்ந்து பேசிய அவர், “ ராமர் மறுபடியும் வரமாட்டாரா என்று காத்திருக்கிறோம். பிரதமர் மோடியின் ஆட்சியில்ராமரை மறுபடியும் பார்க்கப் போகிறோம். இது பெருமையாகவும், சந்தோஷமாகவும் இருக்கிறது. ராமர் கோயிலை பொறுத்தவரைச் சாதி மதம் கிடையாது. முழுக்க முழுக்க நம் ஒற்றுமையைக் காட்டத் தான் மந்திரம்சொல்கிறோம். அயோத்தியில் இந்து, முஸ்லிம் என எல்லா மதத்தினரும் தங்கள் வீடுகளில் விளக்கேற்றி ராமரைவரவேற்கக் காத்திருக்கிறார்கள்” என்றார். திமுக எம்எல்ஏ கருணாநிதியின் மகன் மற்றும் மருமகளால் இளம்பெண் துன்புறுத்தலுக்கு ஆளாக்கப்பட்டதுகுறித்தான புகாருக்கு பதிலளித்த குஷ்பு, “ஆளும் கட்சியான திமுகவினர் வீட்டிலேயே உள்ள சிறுமிக்கு கொடுமைநடந்திருக்கிறது. ஆளுங்கட்சியினர் வீட்டிலேயே பெண்களுக்குப் பாதுகாப்பு இல்லை என்றால், தமிழ்நாட்டில்எங்கே பெண்களுக்குப் பாதுகாப்பு இருக்கும்” எனக் கேள்வி எழுப்பினார். இது விஷயமாக மேலும் பேசிய அவர், “திமுகவுக்கு மட்டுமின்றி இங்குள்ள அனைவருக்கும் தெரியும்… திமுகஆட்சியில் பெண்களுக்குப் பாதுகாப்பு இல்லை என்று. இது முதலமைச்சர் ஸ்டாலினுக்கும் தெரியும். எம்எல்ஏ கருணாநிதி வீட்டுப் பிரச்சினையில் முதல்வர் என்னநடவடிக்கை எடுக்கப் போகிறார்? முதலமைச்சர் இதைப் பற்றி எதுவும் பேசினாரா? ஆறுதல் சொன்னாரா ? இப்படிநடந்தது தவறு, நான் அவர்களுக்கு ஆதரவாக இருப்பேன் என்று எதுவும் சொன்னாரா?. இதுவரை, முதலமைச்சர்வெளியே வந்து பெண்களுக்கு நடக்கும் கொடுமைகளுக்கு எதிராக பேசி நான் பார்த்தது இல்லை” என்றார் இந்த விவகாரத்தில் தேசிய மகளிர் ஆணையம் எடுத்துள்ள நடவடிக்கை குறித்த கேள்விக்கு, “இதில்பாதிக்கப்பட்டது சிறுமி என்பதால் இது போக்சோ சட்டத்தின் கீழ் வரும். மகளிர் ஆணைய விசாரணை வரம்புக்குள்வராது” என்றார்.