விஜயகாந்த் உயிருடன் இருந்தபோதே கவுரவிக்கப்பட்டிருக்க வேண்டும் – பிரேமலதா!
நடிகர் விஜயகாந்திற்கு அறிவிக்கப்பட்டுள்ள பத்ம பூஷண் விருதினை தமிழக மக்களுக்கும், கட்சிதொண்டர்களுக்கும் சமர்ப்பிப்பதாக பிரேமலதா விஜயகாந்த் தெரிவித்துள்ளார். கலை, அறிவியல், பண்பாடு, சமூக சேவை என பல்வேறு துறைகளில் சாதனைகள் புரிந்தவர்களுக்கு இந்திய அரசுசார்பில் பத்ம விருதுகள் வழங்கப்பட்டு வருகிறது. இந்த ஆண்டிற்கான விருதுகள் நேற்று அறிவிக்கப்பட்டது. இதில் மறைந்த நடிகரும், தேமுதிக நிறுவன தலைவருமான விஜயகாந்திற்கு பத்ம பூஷண் விருது அறிவிக்கப்பட்டது. இது அவரது ரசிகர்கள் மற்றும் கட்சி தொண்டர்களிடையே மகிழ்ச்சியை ஏற்படுத்தியுள்ளது. இதையடுத்து, விஜயகாந்த் நினைவிடத்தில் ஏராளமான பொதுமக்கள் வரிசையில் நின்று அஞ்சலி செலுத்தி வருகின்றனர். இந்நிலையில், இன்று அவரது நினைவிடத்திற்கு வந்த தேமுதிக பொதுச்செயலாளர் பிரேமலதா விஜயகாந்த் அங்குஅஞ்சலி செலுத்தினார். பின்னர் செய்தியாளர்களை சந்தித்த அவர், விஜயகாந்த் அவர்களுக்கு பதம் பூஷண் விருதுஅறிவிக்கப்பட்டதற்கு மத்திய அரசிற்கு நன்றி தெரிவித்தார். ஆனால், இந்த விருது விஜயகாந்த் உயிருடன் இருந்தபோதே வழங்கப்பட்டு கவுரவிக்கப்பட்டிருக்க வேண்டும் என்றுகூறினார். மேலும், தற்போது அறிவிக்கப்பட்டுள்ள விருதை ஒட்டுமொத்த தமிழக மக்களுக்கும், தேமுதிக கட்சிதொண்டர்களுக்கும் சமர்ப்பிப்பதாக பிரேமலதா தெரிவித்தார். விஜயகாந்த் கொடுத்த அன்பு, அவருக்கு பலமடங்காக திரும்ப கிடைத்ததாகவும், அந்த அன்பு உள்ளங்களுக்கும்இந்த விருதை சமர்ப்பிப்பதாக அவர் கூறினார்.
